 |
 |
| Con Armando Pis, el revolv'in del Xur'asicu |
Fai daqué más d'una hora que terminé la carrera. Fícela nun tiempu como l'añu pasáu, pesie al calor insoportable (27 graos a la solombra en San Antonio, Llastres, farmacia de Mario Díaz Moro; 28 o 29 de dellos tramos del camín). El tiempu oficial va ser más, poque creí que la meta yera l'arcu de coca-cola, pero, según m'enteré dempués, está unos siete metros más allá, y ehí me quedé hasta que me mandaren seguir y llueu fuime andando.
A un rapaz, polo menos, dio-y un mal y tuvieren que metelu n'ambulancia. Enantes de colar pa casa a la ducha pasé pel ambulatoriu a interesame por él y taben baxándolu de l'ambulancia. Polo visto, taba deshidratáu y fue mester pone-y sueru. Según l'ambulancieru, yá recuperara, anque lu baxaben en camilla y con goteru. Que meyore dafechu.
Y norabona a tolos que corrieren: a los que compitieren pa ganar y ganaren o llegaren bien. A los que compitieren sólo por facer deporte y llegaren al so mou y manera. A los que lo intentaren y nun fueren pa ello. A toos, ¡norabona y felicidaes!
Les semeyes, con un pá y la so fía. Él tuvo a dos fíos migu en clase (la rapaza, que non, salvó). La otra, como tolos años, con Francisco Balbín, que fue'l que, fai yá tiempu, afalóme a correr nel Xur'asicu.
No hay comentarios:
Publicar un comentario