Como saben, vengo -y venimos- dende fai años defendiendo la necesidá de profundes reformes nel ámbitu llaboral y na fiscalidá de les empreses. Dientro d'eses reformes ye necesario modificar daqué la cuestión de les pontes ente festivos, especialmente nel mes d'avientu, que se convierte casi dafechu nun mes inválidu en munchos sectores. Agora bien hai que sorrayar que les fiestes son un conteníu esencial del trabayu, porque l'oxetivu d'esti ye evidentemente non él mesmu, sinón sufragar el descansu (y otres coses). Por eso, el númeru de fiestes total nun debe tocase. En segundu llugar, porque nun siempre son los países que tienen más díes de folgueta son los más productivos. Según y cómo. Pa que vean cómo anda n'otros países la relación ente fiestes y productividá, pueden picar equí: "A menos festivos, ¿más productividad? (ABC.es del 09/01/2012)"
No hay comentarios:
Publicar un comentario