L'empobinador y afalador del pueblu d'Asturies. Entamaba l'homenaxe L'Arribada (perillí andaben, ente otros, Humberto, Maite y Berto Peña). L'Ayuntamientu féxose presente a través del conceyal de cultura, José Carlos Rubiera Tuya y de la fundación de cultura, con Xosé Nel Riesgo. Dani García, tamién emponedor, tocó delles pieces. Nel homenaxe, col salón atarraquitáu d'amigos de Luis Argüelles que veníen reconocer a Argüelles el so trabayu, y ente otros, Luis Redondo, Luis, que fuera conceyal con Palacio, Orlando Moratinos, Xurde Morán, el P. Fueyo.
Como empobinador, creador y afalador del Pueblu d'Asturies (el nome n'asturianu, posterior, débese a una iniciativa parlamentaria nuestra de los 90). Como amante d'Asturies. Como etnógrafu. Amás de destacar estos fechos, sorrayé tamién la honorabilidá de la so persona, el so calter de "paisanu", del que nun sentí una sola mala palabra cuando lu persiguieren y lu dexaren ensin trabayu los que yo llamé nel homenaxe "los bárbaros", y él "los malvados", nin cuando dempués lu sometieren a ignominia pública.
Pero, especialmente, el tener sío'l que -xunto con otros: Castañón, Adúriz...- el que caltuvo l'antorcha asturianista que venía de la xeneración Posada-Caveda-Xovellanos y pasanos a nós el conocimientu d'Asturies, masque tuviéremos una visión de la patria estremada, lo que, con dalgunos d'esos antecesores, causó malos entendíos.
Por cierto, Luis Argüelles entamó -a suxerencia nuestra- el primer concursu n'asturianu normalizáu, el Premiu Pueblu d'Asturies, que ganó, precisamente, Xosé Álvarez Fernández, Pin del de Cigüedres, con El bable de Xuanín.
No hay comentarios:
Publicar un comentario