Véolo nel cartel anunciador de les fiestes de Llanera: "Los Ex Conxuraos", asina, separao, como si tuviesen fecho un conxuru o se tuvieren aconceyao pa conspirar y agora yá tuviesen llibres del conxuru o yá nun tuviesen aconceyaos pa conspirar.
Ye, y siempre fue esconxuraos (tamién perxuraos), malditos, escomulgaos, como fue la causa del fechu orixinal que se celebra: la escomunión o esconxuru de ciertos nobles de Llanera pola Ilesia d'Uviéu dempués qu'asobayaren al so representante, en protesta polos sos abusos. Veo qu'agora tamién nos medios audiovisulaes lo repiten: ex, dicen poniendo enfotu na palabra y separándola de conxuraos.
¡Dios que país! Agora, además, que l'Academia castellana tien por norma ortográfica l'axuntar l'ex- cola palabra de la que ye prefixu.
Otra vegada más: ¡Dios, qué país!
| Desconociéndolo too |
| Con un poco escuela (lo de tola vida), casi bien. |
No hay comentarios:
Publicar un comentario