El vinu de Llastres y los secretos

La publicidá ye fundamental, pero ye tamién un cartel de llamada pal robu

05.07.2016 | 03:42

Xuan Xosé Sánchez Vicente Al entamu del mes de xunu, l'empresariu Javier Domínguez llevó un disgustu tremendu al saber que-y robaren 588 botelles de magníficu vinu que taben fondiaes cerca de Llastres dende'l mes de payares. Somorguiar el vinu pa que madure na mar ye una relativa novedá que practiquen delles empreses españoles.

De toles botelles, por ciertu, nun fue p'atopase más qu'una. Igual fue un erru de los lladruepos, pero a mi recordóme un antiguu episodiu xixónes: de la nueche a la mañana un conocidu xoyeru, T. Chao, esapaeció, y con él tola mercancía; nel escaparate la xoyería nun quedó más qu'un anxelín tocando la trompeta. Nun sé por qué me da qu'esa única botella nun sea como l'anxelín trompeteru de Chao.

Espero qu'el material robáu apaeza llueu, pero nun puedo dexar de señalar la mio estrañeza de que cuando, allá en payares, se fizo la inmersión se ficiese propaganda d'ella: la publicidá ye fundamental, pero ye tamién un cartel de llamada pal robu.

[...................................................................................................................................................]

En fin, qu'apaezan el vinu llastrín y la discreción.