Mañana, a les 8 la tarde, na carpa cultural del Muelle (onde Paquet) del Arcu Atlánticu, presento: El caballu, un estudiu sobre'l poema de principios del XVIII de Bernaldo de Quirós.
La base de la edición ye un manuscritu, más o menos de recién conocíu, que nos permite relleer el testu bernaldinu.
Al marxen d'eses nueves llectures testuales, la edición acompáñase d'una bayura de notes lésiques e interpretatives, que valen pa entender meyor les munches partes escures del testu.
Abonda decir, pero dizse, qu'el poema ye una de les grandes pieces de la lliteratura asturiana.
No hay comentarios:
Publicar un comentario