En primer llugar, un saludu patrióticu y afectuosu a tolos asturianos, especialmente a los que tán fuera, yá fueren ellí, como decía Garcilaso, por su "natura" o "a do menester los inclinase".
Sobre los discursos de la Xunta a propósitu la festividá: fuera sitiu, repitiendo los tópicos madrilanos, follecos la mayoría. Dalgunos o parte de dalgunos, grotescos, especialmente'l del Presidente la Xunta, que casi paez un discursu de monologuista clásicu. Corripia aparte, pal monomaníacu del bable.
¿Dalgún detallín positivu? Sí: l'usu parcial del asturianu na entrega les medayes. Dalgunes palabres del Presidente'l Gobiernu y la so grabación delantre monumentos del Arte Asturianu.
Disparates o caxigalines: Na TPA: anuncios escritos n'asturianu y falaos en castellanu. Pura ignorancia, nos medios audiovisuales nun esiste más que la voz, lo escrito ye borrina impalpatible. Nos medios audiovisuales nun esiste'l billingüismu. ¿Pura ignorancia, vergoña, falta atrevimientu o nun querer?
No hay comentarios:
Publicar un comentario