Les mios enmiendes (personales) al proyectu d'Estatutu d'Atunomía (1980)

(Restolando nel estoyu los recuerdos) Equí tán les enmiendes que yo personalmente presenté (yera diputú rexonal del PSOE pela circunscripción de Cangues, y residía n'El Infiestu) al proyectu d'Estatutu d'Autonomía. Dos obervaciones fundamentales: El proyectu inicial caltenía p'Asturies el nome de "Provincia de Oviedo". Fue yo l'únicu inicialmente que propuso'l cambiu a "Provincia de Asturias". Aprobóse pero tardó munchos años en facese. El proyectu nun contemplaba nada más pal asturianu qu'un artículu 7º.13: "Fomento de la investigación y de la cultura con especial referencia a sus manifestaciones regionales y a sus peculiaridades lingüísticas". A la mio enmienda sumóse otra del PCA y hubo dempués delles transaccionales. De ehí salieron l'artículu 4ª (qu'entovía se recortó en Madrid) y l'Academia de la Llingua. Adxunto tamién la so redacción manuscrita.