En El País, César Molina acaba d'asoleyar un llargu artículu (Las élites "extractivas") sobre la "clase" política española, a la que considera culpable de la crisis económica y a la que tien -pola so propia configuración d'intereses- como incapaz de solucionar los problemes.
Anque nun coincido plenamente col articulista (la tesis ye demasiao holística y tien demasiaes desplicaciones o datos que tán poco fundamentaos), invítolos a lleela, porque tien una parte importante de verdá.
Pero, dempués de lleela, piensen lo siguiente: esa xente nun ta ehí por un golpe d'estáu, ta ehí porque diz a los ciudadanos (fundamentalmente a los suyos) lo que quieren oír, y porque'l sistema de prebendes a costa de los demás llega a munchos ciudadanos, que tienen beneficios ensin ganalos o merecelos. Y, finalmente, que mentestantu hubo pa toos, naide quixo sentir falar d'austeridá, menor gastu, racionalidá, ética del trabayu o futuru. A cencielles: al que decía lo contrario dáben-y cola urna na tiesta.
