¡Esi cementeriu! ¡Una manina pintura, polo menos! ¡Qué desolación!

El 05/09/16 asoleyaba yo un artículu en La Nueva España que se titulaba "El Ayuntamiento menosprecia a los difuntos" pola escasa atención que l'Ayuntamientu de Xixón prestaba nel a los vivos (darréu les dificultaes de desplazamientu y los obstáculos), pola desatención xeneralizada del interior, pola cerca esterior y les sos entraes, que ta fecha de piedra caliar vista y tosca, como la muria d'un prau nuna braña.

Pues bien, posteriormente, l'Ayuntamientu destinó unes brigaes a aperiar un migayín l'interior del cementeriu y a iguar un daqué la entrada nes puertes llaterales, como se ve na semeya qu'apurro equí:

A ver si esta vegada tengo la mesma "mano", meyor dicho, a ver si tolos xixoneses tienen la mesma suerte esta vegada: 

La pinta que tien el cementeriu d'El Sucu dende los barrios del sur-oeste de Xixón ye deplorable: a lo poco cuidao l'arquitectura súmase la desatención a la pintura: fai años pa tapar lo desolador la construcción diose una mano pintura verde a toles paredes que constituyen el respaldu los nichos, colo que la perspectiva'l cementeriu dende'l sur y l'oeste de Xixón disimulaba un migayín. Agora esa pintura, ensin dulda un arreglu baratu, ta casi toa esapaecía y l'aspectu del cementeriu ye desolador.
Asoleyo equí dos fotos d'eses pésimes traces: ¡qué poca atención pa los vivos y los muertos!
A lo meyor, si pudiesen cobra-yos el IBI... ¡Vaya ñata!

Presumiendo: rotondes y cementeriu

El 05/09/16 asoleyaba yo un artículu en La Nueva España que se titulaba "El Ayuntamiento menosprecia a los difuntos" pola escasa atención que l'Ayuntamientu de Xixón prestaba nel a los vivos (darréu les dificultaes de desplazamientu y los obstáculos), pola desatención xeneralizada del interior, pola cerca esterior y les sos entraes, que ta fecha de piedra caliar vista y tosca, como la muria d'un prau nuna braña.

Pues bien, posteriormente, y dende fai meses, l'Ayuntamientu destinó unes brigaes a aperiar un migayín l'interior del cementeriu y a iguar un daqué la entrada nes puertes llaterales, como se ve na semeya qu'apurro equí. 

(Aclaro que nun soi yo solu'l que protesté asoleyando la cochambre y pioyosería de tol cementeriu d'El Sucu. Pocos díes dempués (el 10/09/2016) facíalo, nun llargu artículu tituláu "El Suco: el trampantojo o la imbecilidad humana", Blas Fernández Gallego).

Pues bien, del mesmu mou, protesté'l 21/07/2017 contra'l desastre de munchos polígonos industriales en Xixón, que nun teníen dotación de fibra óptica o que teníen accesos polos que-yos yera imposible o perdifícil pasar a los camiones. "No es el único problema que tiene ese polígono -El de Lloreda, decía-: carecen de servicio de fibra óptica y sus accesos están tan mal diseñados que los camiones de cierta longitud han de tomar la rotonda de acceso por la izquierda, ya que por la derecha no pueden realizar el giro. A veces, además, coinciden con la salida de molinos eléctricos de una factoría próxima, lo que hace más encantadora la situación".

Pues bien, fai poco acaben d'arreglar una d'aquelles rotondes que yo señalaba nel mio artículu, la d'enriba Tremañes que da accesu a polígonos industriales camín de Cenero.

¿Casualidá? Déxenme presumir de tener un migayín de parte neses igües, de pensar que, de xemes en cuandu, los mios artículos sirven d'obleru pa iguar les coses que se faen mal, masque solo sea un migayín.

Nun ye por nada: Ciares

El 05/09/16 asoleyaba yo en La Nueva España y nesti blog una "denuncia" sobre'l pésimu estáu del cementeriu de Ciares, el de Xixón, tanto nel so aspectu como nes condiciones de tránsitu: paecía fechu "contra los vivos" poles sos condiciones deplorables pal tránsitu y pola so suciedá.

Pues bien, poco dempués Blas Gallego y Héctor Blanco facíen crítiques tamién sobre l'estáu del campusantu.

Póngolo agora, pero ye de notar que un par de meses dempués l'Ayuntamientu entamó una campaña d'adecentamientu del llugar, un arreglín pa dir pasando, pero bueno. Y, eso sí, anunciólo en toles puertes de la ciudá los muertos, del cementeriu El Sucu, el qu'entamó sobre'l terrenu inicial de La Llosa los Valientes.

Préstame saber que, como en tantes ocasiones, el tira-yos de les oreyes a los cabezaleros del conceyu val pa daqué.

¡Ah!, y, masque poco, yá yera hora.

Yá contaré otros "éxitos" d'esa mena.