Suburbia Ediciones acaba d'editar Contadores de lluz, una recatafila cuentos fecha por varios autores relativamente mozos, caún dellos en torno a una semeya previamente dada.
La mayoría los cuentos tienen interés y tienen oficiu lliterariu. Llama l'atención la presencia abondosa de violencia y trivialidá amestaes, asina como la frecuente falta de sentíu de la vida pa los personaxes. Da la impresión, además, de que ye un llazu común de tolos cuentos la visión fraccionada de les acciones humanes, la falta d'un sentíu de totalidá nes acciones y nos pensamientos de los personaxes, asina como de los relatos. Probablemente sea ello tamién un elementu central de la cosmovisión de los autores.
No hay comentarios:
Publicar un comentario