-semeya de PABLO LORENZANA pa La Voz de Asturias-
El casu "Tomasín", la so figura y personalidá presenta un calter ablucante e impresionante. Pero nun quiero agora equí señalar la so capacidá de vivir fuera la sociedá (que nos remite a xente y tipos del pasáu, non tan alloñáu pero sí pasáu) o de les sos estrañes relaciones familiares.
Non. Sobre lo que quiero llamar equí l'atención ye sobre la sociedá de güei y, especialmente, sobre la del futuru.
Piénsenlo: tapecío yá, a les puertes del xulgáu al que lu lleva la guardia civil dempués de capturalu, atrópase una tropiella rapacetos (quince, diecisiete años), rapacines la mayoría, a aplaudir y vitorear a Tomasín.
Nun-yos fago les entrugues. Fáganles vustedes. Y dense tamién les respuestes. Y non refiervan únicamente sobre esi báramu de rapacetos entusiastes, entruguen poles families, polos medios de comunicacion, polos centros d'enseñanza, por nós mesmos, nuna palabra.
No hay comentarios:
Publicar un comentario