¿Cuálu ye'l preciu real de la botella sidre? PORQUE, SI MIRAMOS PA LOS PRECIOS DE LA MAZANA, ESTA TA MUI PER BAXO DE LOS COSTOS REALES Y SOBREVIVE -CON PERDES REALES- NUN MUNDU D'ECONOMÍA MARXINAL.
PORQUE'L PRECIU REAL LA MAZANA YE'L QUE TIEN EN CUENTA TOLOS COSTOS DE LA MESMA: CAPITAL INVERTÍU (INVERSIÓN NEL TERRENU, LLANTONES Y LLANTACIÓN, TIEMPU ENSIN PRODUCIR EL LLANTÍU), COSTOS D'ESPLOTACIÓN (TRABAYOS ANUALES: SIEGA, FRADA, ABONOS Y SULFATOS), COSTOS LA RECOYIDA (SALARIOS, SEGURIDÁ SOCIAL,), Y BENEFICIU PAL PROPIETARIU (ESTO YE, RENDIMIENTU LA INVERSIÓN: AMORTIZACIÓN DEL CAPITAL Y BENEFICIU).
¿Tien daqué que ver con too esto'l preciu la mazana? Nada de nada. El mundu la sidre asturiana, mantiénse sobre una ficción, la del costu la mazana n'orixen, nel que, na práctica, nun se tienen en cuanta dalu d'estos factores. D'ehí que les pumaraes se dexen perder, los pumares nun se cuiden nin se renueven, que'l frutu quede en suelu y que lo que se recueye nun pague xornales nin retribuya la inversión. D'ehí, el futuru que-y espera a la mazana asturiana y a les pumaraes. Esi ye'l nuestru problema y nun otros: como en too, vivimos nun mundu irreal, que, de momentu, aguanta porque'l productu básicu, la mazana, ta pagada mui perbaxo de los sos costos reales y porque queda xente pa la que la pumarada ye una cuestión marxinal nel conxuntu los sos ingresos, un entretenimientu o un bien que ta ehí heredáu de la xente d'antes.
¡Eso sí! ¡Tenemos una cultura perdemocrática y popular! ¡Y hasta regalamos sidre nos festivales!
No hay comentarios:
Publicar un comentario