Conyza

Conyza spp. (Conyza canadensis, C. bonariensis). Ye planta invasora d’orixe americanu, que debió aportar a España nel XVIII. Preséntase en delles especies que busquen toes el calor, polo que s’asitien nes zones costeres. Esti añu, especialmente calurosu, hai bayura d’elles n’Asturies.

Florez de xunetu avanzáu p’alantre, inclusu na seronda. Algama de 50 a 150 cm d’altor. Tien munches fueyes cencielles lliniar llanceolaes y alternes. Abondo vellosa. Nel cumal, presenta una inflorescencia con munches flores, marielles o blanques. El frutu ye un aqueniu provistu de vilanu arroxáu.

Tien dellos sinónimos pal nome científicu. En castellán recibe los de zamarraga, venadillo, escoba, erigeron.
Les semeyes, n'El Piqueru, Llastres, el 05/08/12.