Como se sabe, esti añu fue mui seroñu pa la fruta. La primavera retrasóse unes tres selmanes polos fríos y, sobre too, el lloviu, y, en consecuencia, florió tarde. Dempués, dende'l 18 de xunetu, el tiempu camudó y establecióse un veranu como dende fai munchu tiempu nun se veía -probablemente dende facía 11 años-, con predominiu del ábrigu-ábrigu, munchu sol, munchu calor y ensin un gotu d'agua (dos o tres díes qu'orpinó -orpininó, meyor- ni siquier llegó a a llover tol día.
D'esi mou y manera la fruta -en La Miñota floriaren munchísmo los árboles y frutiaren perbién-, munchu d'ello, nun creció por falta d'augua y ta maureciendo magnis intineribus, al galopiu, asina como quedó pequeña. Al mesmu tiempu y, pola falta d'agua, ta cayendo a trompaes al suelu. Hubo daqué ventaxuca (menos pulgón llanuxu) que se compensó -pa mal- cola podrén interna de munchos frutos.
Esti ye'l resumen, como diré facer viendo nos prósimos díes en semeyes del 29/08 y 03/09:
1) Munchísima flor y mazana.
2) La xuanina -la más bayurosa- quedóse dafechu y yá maureció asina como taba, perroína. Ta too perdío.
3) Lo raxao ta normal, pero nes quimes entama arroxar yá.
4) Como siempre, la teórica muncha, pequeña y de mauración temprana, esti añu más aína.
5) La solarina, más normal nel so desendolcu, entama a maurecer yá en dellos árboles y ye la que más bien al suelu.
6) Lo durono paez llevar el so desendolcu normal, (nque, al ser pal mes d'avientu, ye posible que tea adelantao y que los efectos d'esi adelantamientu nun se perciban.
En consecuencia esti añu vais tener menos sidre de Foncueva fecho cola mazana de La Miñota.
Pongo equí semeyes de xuanina. El so tamañu ye perroín, la so maurez vese bien, casi dos meses enantes.
No hay comentarios:
Publicar un comentario