Una vegada más, les alministraciones y l'Estáu acaben de mexase metanos los focicos de los asturianos, col sellu dedicáu al puente los santos qu'esborraba la costa asturiana y llamaba a la Ría del Eo, "Ría de Ribadeo". ¿Por qué pasa eso? Porque dende fai décades y décades los asturianos nun paintamos nada porque nun somos nada. ¿Y por qué nun pintamos nada? Porque nun queremos ser, y, polo tanto, al nun ser, nin miren pa nós nin somos.
Afortunadamente, un grupu d'asturianos fizo tornar la idea inicial de correos y van correxir lo d'anubrir la parte d'Asturies, anque van seguir falando de "Ría de Ribadeo".¡Norabona a estos ciudadanos y gracies pol so trabayu! A, polos nomes que salen na prensa, Calleja, Iglesias, Tarsila Piñeirua y Pérez, na semeya de La Nueva España del 10/05/13 y a tolos sos collaboraores y sofitaores.
¿Contradición colo que digo enriba? Pa pelees parciales, pa sentise mancaos nel orgullu polos requexos de la vida, tenemos, cómo non, xente de munchu valir, que llueu esapaez pa tolo demás y, sobre too, pa la acción diaria.
Lo que nun quita pa da-yos les gracies otra vegada y pa felicitalos por esi sentimientu asturianu.
No hay comentarios:
Publicar un comentario