Dende qu'asoleyé l'artículu "Extraordinario I+D+I" y publiqué equí l'ensiertu correspondiente (esti llunes 6), nun paren de llegame noticies:
Conseyeríes que tán selmanes ensin el sistema informáticu funcionando bien, de mou y manera que, pa facer los trámites, los ciudadanos -empresarios o meros usuarios- tienen qu'acabar perdiendo hores pa personase a facer in situ lo que tendríen que poder facer per interné. Ayuntamientos -grandes, non pequeños- onde los funcionarios pasen una selmana entera mano enriba mano, porque nun funciona'l sistema informáticu y, polo tanto, nun se pueden tramitar los espedientes (naturalmente, los ciudadanos queden sometíos a daqué peor que'l "vuleva usté mañana", al "vuelva usté mañana, a ver..."
Esti ye'l país. Los ciudadanos, tan contentos volviendo a votar a unos y otros. El dineru y el tiempu tiraos. El malhumor creciendo. Les inversiones diendo a sitios normalinos. El paru creciendo.
¿Qué quieren que-yos diga? ¡Asturianaes!
(Por cierto, anímolos a que sigan mandándome datos: garantizo, como siempre, y anque nun me lo pidan, l'anonimatu.)
No hay comentarios:
Publicar un comentario