IU llega a un arreglu col PSOE y, naturalmente, nun hai arreglu pa la oficialidá, de la que tanto vienen mamando (de la palabra, claro) dende fai tantos años.
Pero ye que nin siquier se-yos ocurre tener alternatives pa facer avanzar l'asturianu socialmente, lo que quier dicir que nun pensaren inxamás nel tema nin mediu minutu.
Lo que ye de plasmu ye qu'agora dalgunos votantes d'IU y munchos asturianistes queden "ablucaos y decepcionaos" pol engañu.
Solo s'engaña'l que se quier engañar, y hailos que lleven dos décades engañándose y seguirán engañándose tola vida, porque, pa que vamos pensar otra cosa, nun ye l'asturianu lo que-yos interesa de verdá. O, por dicilo como dicía Mitterand, "les promeses electorales solo comprometen a los que creen nelles" (hai formes más crudes de dicilo, pero vamos dexalo pa prau).
No hay comentarios:
Publicar un comentario