Revolviendo la carpeta de REPRESIÓN DEL ASTURIANU Y OTRES LLINGÜES, atopé estos documentos, unos sobre l'asturianu, otros sobre la propia asturies, que creo que merez la peña asoleyalos pa que los conoza'l que nun los conocía; pa que los recuerde'l que nun acordaba.
Esti primeru ye de 1931 y ye una manifestación a favor de qu'Asturies se convirtiese nun estáu autónomu dientrro la II República (naturalmente, la propuesta implica una república de mena federal) (d'El Comerciu).
Per otru llau, convién recordar que l'actitú xeneral de los políticos asturianos (asina, el PSOE y Teodomiro Menéndez) y de munchos intelectuales asturianos (asina, Pérez de Ayala) yera contraria a qu'Asturies tuviese estatutu d'autonomía, polo menos, nos años aniciales de la República.
D'otra miente, los firmantes del manifiestu esixen tamién la devolución del nome de "provincia de Asturias", lo que nun se consiguió hasta que yo enxerté en 1980 una enmienda al proyectu d'Estatutu d'Autonomìa.
No hay comentarios:
Publicar un comentario