Acabo de terminar La luz del norte, una novela de Carlos X. Blanco, escritor y investigador que trabaya con frecuencia nel ámbitu de lo asturiano y asturianista.
Organizada n'unidaes narratives breves y con una prosa ensin munchos remilgos creativos o trasgresores, la novela ye prestosa y lléese bien, quier decise, atrapa l'interés pa seguir lleendo escena tres d'escena.
La trama narrativa son los antecedentes más o menos históricos, nel ámbitu d'España y d'Asturies, que van dende la derrota de don Rodrigo a la sublevación de Pelayu y los astures en Covadonga. Sobre esa trama histórica -contada con llibertá lliteraria- píntase, d'una parte, la vida nel antiguu reinu visigodu (Toledo y Córdoba, fundamentalmente), tanto nel planu los protagonistes como nel social: la esclavitú d'una parte los cristianos y godos y la violencia a que se los somete tanto física como económicamente; la connivencia, d'otramiente, colos invasores de los "traidores": los partidarios de Witiza, como don Oppas, que fueren los que llamaren a la morería invasora, o los nobles entregaos al invasor, como'l godu Athala. D'otra píntase la vida ente los astures llibres: astures del centru y del occidente, los astures vadinienses, de los que ye cabezaleru Pelayu -godu y astur, al empar- y los cántabros llibres, a los qu'encabeza'l duque de Cantabria, Alfonso.
Dende'l puntu vista la narración de la hestoria, van alternándose los episodios o aventures de dellos personaxes, que tienen anicios y trayectories distintes hasta que, al final, amiéstense en Covadonga y en tornu a Pelayu: Teud y Adosinda (la xermana de Pelayu), Teud y la so hermana Brunilda, Álvaro y Brunilda... Y, xunto con ellos, personaxes hestóricos: aparte de Pelayu y Adosinda, Oppas, Munuza, Alkama...
Tocántenes al reflexu de la hestoria real na ficción novelesca, l'autor emplega una cadarma "realista" al empar de sucesos dafechamente inventaos, lo qu'amiesta con lleendes cincantes a Pelayu: la so nacencia y raigones, el so viaxe a Córdoba, la entrega d'Adosinda como rehén. Y, al mismu tiempu, la invención d'una rede de "monxes sabios y visionarios", que ven el futuru y faen porque esti se cumpla.
Hai un puntu nel que l'autor puede atopar resistencies o pilancos en dellos llectores, por el tresfondu "ideolóxicu" o de visión del mundu qu'encadarma la visión de la hestoria na novela: unos, dende'l puntu vista nacionalista, atoparánla demasiao "goticista" y "hispanista" y, acasu, demasiao cristiana. Otros, dende'l puntu de vista d'una visión determinada d'España, veránla como demasiao "nacionalista" asturiana.
La verdá ye que, si la novela se llee dende un puntu vista meramente lliterariu, más cerca de la novela d'aventures que d'otra cosa, eses torgues esapaecen porque'l colorante ideolóxicu reduzse entós a un cenciellu elementu de la trama y de la creación d'ambiente.
Tocántenes al reflexu de la hestoria real na ficción novelesca, l'autor emplega una cadarma "realista" al empar de sucesos dafechamente inventaos, lo qu'amiesta con lleendes cincantes a Pelayu: la so nacencia y raigones, el so viaxe a Córdoba, la entrega d'Adosinda como rehén. Y, al mismu tiempu, la invención d'una rede de "monxes sabios y visionarios", que ven el futuru y faen porque esti se cumpla.
Hai un puntu nel que l'autor puede atopar resistencies o pilancos en dellos llectores, por el tresfondu "ideolóxicu" o de visión del mundu qu'encadarma la visión de la hestoria na novela: unos, dende'l puntu vista nacionalista, atoparánla demasiao "goticista" y "hispanista" y, acasu, demasiao cristiana. Otros, dende'l puntu de vista d'una visión determinada d'España, veránla como demasiao "nacionalista" asturiana.
La verdá ye que, si la novela se llee dende un puntu vista meramente lliterariu, más cerca de la novela d'aventures que d'otra cosa, eses torgues esapaecen porque'l colorante ideolóxicu reduzse entós a un cenciellu elementu de la trama y de la creación d'ambiente.
No hay comentarios:
Publicar un comentario