Accidentes
Xuan Xosé Sánchez Vicente 27.11.2017 | 03:42
Accidentes
Nun paren de sucedese les noticies d'accidentes. Naturalmente, les que más espaciu ocupen, les que, así mesmo, llevanten más conmoción, son les d'accidentes de tráficu, especialmente aquelles nes que les víctimes son peatones o neños.
Esta temporada, además, vamos de mal en peor: llevamos no que va de calendariu 25 muertos más que l'añu pasáu. Llama l'atención, dientro d'esa estadística, que tamién suben los accidentes de moto y, especialmente, dos característiques de los accidentaos que sorraya LA NUEVA ESPAÑA: el perfil de los conductores, varones d'ente 35 y 50 años, y qu'esi tipu de fallecíos representen el 40% del total.
Acabamos d'anotar les víctimes mortales, simplemente. El llector puede acongoxase más si piensa n'aquellos que tienen daños temporales y, sobre too, nos que queden con daqué mancadura grave.
Masque los de tráfico sean los qu'ocupen más espacios nos medios y paecen ser los "accidentes" por antonomasia, hai otros que son tamién reiteraos, anque con menos númeru de víctimes; por exemplu, los d'escursionistes y montañeros, ún de los cuales, un vascu de 62 años, morría esta selmana nos Picos.
Los infortunios nos llabores agrícoles nun son infrecuentes: cortando caños de los árboles, baltándolos y, especialmente, llevando tractores. Seguramente nun baxa de diez al añu'l númeru de percances ente los conductores d'estes máquines o ente los que van col conductor.
La piesca deportiva ye tamién una fonte non roína de desgracies. Esti últimu mes perdieren la vida nel pedreru los pescadores de caña Chano Castañón, de Xixón, y Marcos del Blanco, d'Avilés.
[................................................................................................................................................]
No hay comentarios:
Publicar un comentario