¿Recuerden el debate ente Manuel Pizarro y Pedro Solbes el 21 de febreru de 2008, en plena campaña d'elecciones xenerales?
Manuel Pizarro señaló los datos que mostraben la grave crisis económica na que tábamos somorguiaos. Pedro Solbes nególo too y acusó a Pizarro de mentirosu y demagogu.
Ayer compareció nel Congresu Pedro Solbes y reconoció que sí yera la situación como la pintaba Pizarro, que sí lo sabíen, pero que nun s'atrevieron a tomar medides por cobardía y que, además, teníen la orden de negar los datos -la crisis-.
Naturalmente, el debate ganólu Barrabás, o sea Solbes, y la opinión condenó a Pizarro por aguarón.
¡Qué manía la de la xente de preferir a Barrabás sobre Xesús! ¡Qué enfotu!
Porque, por ciertu, agora qu'acaben d'indultar a Fujimori en Perú, un presidente, como saben, condenáu por crímenes y robos, ¿recuerden a quién prefirió'l pueblu peruanu pa presidente? ¿A Mario Vargas Llosa o a Fujimori?
Y, yá que tamos nello, ¿recuerden l'alegría xeneral de la izquierda mundial porque'l pueblu refugó al "facha" o derechista Vargas Llosa?
Asina ye.
No hay comentarios:
Publicar un comentario