¿Por qué ye interesante? Por tres razones, al marxen de les de la propia biografía d'estos dos artistes, tan importantes na música asturiana. La primera porque ye un análisis perfechu de la nuestra sociedá, de la sociedá asturiana, tan despreciatible de lo propio ("¿Esi?" O "¿Quién ye esi?" son dos de les armes coles qu'operamos pa corta-y les pates a tol que destaque y/o sea distintu), lo que vien a desplicar, según l'autor, "el fracasu" y la vida casi de miseria de los dos artistes.
La segunda, porque nos pinta'l mundu la preguerra y, pal que quiera velo, cómo taba yá ellí asitiada la guerra civil, especialmente ente la xuventú.
La tercera, porque tien un emplegu abundante de vocabulariu y espresiones asturianes, lo que tien la so importancia sociolóxica frente a los que quieren desconocer que l'asturianu fue la llingua coloquial de tola sociedá asturiana durante sieglos, incluso de los profesionales y la xente culto: l'autor, yera, ente otres munches coses, musicólogu, doctor en derechu y xeneral del Exércitu del Aire.
No hay comentarios:
Publicar un comentario