Crónica de la lluz y la solombra

Crónica de la lluz y la solombra Anda taliando per dellos llugares d'España Antón García pa presentar la so novela Crónica de la luz y la sombra, torna de la so Crónica de la lluz y la solombra, Premiu Xosefa Xovellanos 2014. Supongo que la torna al castellanu prestará a los sos llectores porque ye una gran novela: la variedá de puntos de vista narrativos (incluyía una torna d'un testu d'Adeflor); la construcción de los personaxes (la fatura del xuez y del fiscal, la cuciedá d'un abogáu, la tochura d'otru, la personalidá complexa del reu, Gancedo, el comportamientu la so familia -la difunta la so muyer, Manulina, de so madre, la Lleona, del so hermanu- y, sobre too, de la so amante; la peculiar personalidá del executor del condenáu al garrote); la perspectiva y los intereses de los periodistes que siguen el procesu y l'axusticiamientu; l'ambiente de miseria y falta de perspectives del pueblu de los protagonistes, etc. Too ello, repito, fae de Crónica de la luz y la sombra una gran novela, pero... Pero Crónica de la lluz y la solombra ye otra cosa tamién: la so dicción, el ritmu la so prosa, la precisión de descripciones y oxetos, la riqueza la so fraseoloxía y el so léxicu. Too ello constitui una maravía de la que nun van poder disfrutar los que llean la novela en castellanu. Disfrutarán, pero eso, esa esquisitez, esa prestosidá van perdelos. Comoquier que sea, ésitu.

Semeyes de la Xunta Escritores Villaviciosa

El 28/10/17. La Villa.

Mándameles atentamente Fernando Padilla Palicio, Xefe de Planificación Llingüística y normalización, al que-y do-y les gracies. 

Los autores les semeyes son Daniel Rodríguez y Lluis Fanjul. Les semeyes son, como decía Lleandru a Hero ("Yo para somorguiar soi escelente"), eso, escelentes.

Con Consuelo Vega, escritors, en primer planu, Antón García, d'espaldes, Sixto Cortina

Semeyes de la Xunta Escritores Villaviciosa

El 28/10/17. La Villa.

Mándameles atentamente Fernando Padilla Palicio, Xefe de Planificación Llingüística y normalización, al que-y do-y les gracies.

Los autores les semeyes son Daniel Rodríguez y Lluis Fanjul. Les semeyes son, como decía Lleandru a Hero ("Yo para somorguiar soi escelente"), eso, escelentes.

Col editor y escritor Antón García

La presentación d'ayer

Gracies a toles persones presentes, asina como a lo que queriendo dir nun pudieron facelo. Gracies, especialmente, a los que m'acompañaren y falaren de la mio obra, a los críticos Leopoldo Sánchez Torre y Antón García (a esti, además, por editame la obra completa), y a los poetes mozos Noemi Suárez e Inaciu García.

Y agora pongo 

Esta semeya d'El Comercio, firmando-y un llibru a Humberto Gonzali. Y el pie de semeya: Xuan Xosé Sánchez Vicente, escritor fundamental en la nueva literatura asturiana, filólogo y político, acaba de reunir en un solo volumen toda su producción poética de las últimas cuatro décadas bajo el título 'Propia xera (Poesía completa, 1974-2018). En la jornada de ayer presentó este libro en el salón de actos del Centro Cultura Antiguo Instituto, en Gijón

Y la crónica de LNE, xenerosa como antiayer: 

http://www.lne.es/sociedad/2018/02/09/jovenes-poetas-asturianos-reconocen-magisterio/2236052.html

De la que ye esta semeya, colos presentadores y l'escritor:

El Baluarte y el tiempu (meteoroloxicu)

Acabo de recibir El Baluarte, la revista anual de los Amigos de Cuideiro / Cudillero. Magníficu, como siempre, perprestosamente editáu, y, esti añu, con materies más interesantes que nunca, al mio parecer.

Güei quiero destacar un retayu de l'Amuravela de 1966, que, aparte de prestosa, ye, como siempre un documentu etnográficu e históricu. El retayu ye sobre'l tiempu meteorolóxicu (sobre l'otru, sobre "los tiempos" d'aquel presente, tien información abonda y prestosa, pero esi ye otru tema), y esti ye:

L'iviarnu nun tuvu fríu
que la niavi nun la viamus,
peru tanta agua caéu
que, ¡mi alma!, deluviamus;
¡hasta n'as didas del pía
tiníamos mofu naciandu.
La premavera, variabili:
aguas, viantus ya caloris...
todu anda istramboriáu.

¿Qué-yos paez? ¿Asemeyáse aquel 1965-1966 a esti 2016-2017? (¡Yá vendrá l'agua, yá!). El tiempu, como puen ver, siempre ta llocu, "istramboriáu". Nunca ye como tien que ser. De mou y manera que ye como la nuestra memoria: él inxamás camuda, siempre camuda; y la nuestra memoria ("mentirosa memoria" diz un poema d'Antón García) inxamás camuda: siempre cree que'l tiempu que camuda ye una novedá, que'l tiempu anda llocu, "istramboriáu".

Bueno, camiento que yá sabrán que la escritura de l'Amuravela fue siempre d'Elvira Bravo Fernández-Ahuja, y que'l so recitador yera Juan Luis Álvarez Bravo, "Totó".

Presentación d'El caballu

Una edición del clásicu de Bernaldo de Quirós y Benavides. Renueva la interpretación del testu y abre cuestiones lésiques y d'escritura.

Na presentación, el llunes 25 de xunetu, día Santiagu, dientro los actos del Arcu Atlánticu. Con Antón García, l'editor, y Ramón d'Andrés, que tuve l'honor que me presentase.

Les semeyes son de Carlos Espina Alonso.

Presentación d'El Caballu

Una edición del clásicu de Bernaldo de Quirós y Benavides. Renueva la interpretación del testu y abre cuestiones lésiques y d'escritura.

Na presentación, el llunes 25 de xunetu, día Santiagu, dientro los actos del Arcu Atlánticu. Con Antón García, l'editor, y Ramón d'Andrés, que tuve l'honor que me presentase.

Les semeyes son de Carlos Espina Alonso

Presentación d'El caballu

Una edición del clásicu de Bernaldo de Quirós y Benavides. Renueva la interpretación del testu y abre cuestiones lésiques y d'escritura.

Na presentación, el llunes 25 de xunetu, día Santiagu, dientro los actos del Arcu Atlánticu. Con Antón García, l'editor, y Ramón d'Andrés, que tuve l'honor que me presentase.

Les semeyes son de Carlos Espina Alonso.

Enantes, na tertulia previa sobre la lliteratura reciente. Con Humberto Gonzali.

Presentación de De les hores y les memories n'Uviéu

Sánchez Vicente reflexiona "sobre el paso de la vida" en su último poemario

El político y escritor estrena "De les hores y les memories", una recopilación en la que "echa de menos el mozu que fue"

12.01.2016 | 04:09

Sánchez Vicente, en el centro, junto a Antón García y Esther Prieto. N. OREJAS

• Fotos de la noticia

Félix VALLINA Catorce años después de la publicación de su anterior poemario en asturiano, los versos de Xuan Xosé Sánchez Vicente vuelven a las librerías. El Club Prensa Asturiana de LA NUEVA ESPAÑA fue el espacio elegido por el autor para presentar "De les hores y les memories", una recopilación de cuarenta poemas en los que Sánchez Vicente reflexiona "sobre diferentes emblemas del paso del tiempo y de la vida". Según explicó el conocido político y escritor, "la temática es muy variada y el lector puede encontrarse poemas que van desde el amor hasta lo metafísico pasando por diferentes repasos a la historia emocional y política de los últimos siglos".

Xuan Xosé Sánchez Vicente no se extendió demasiado en la presentación, prefirió leer unos versos de su nuevo poemario ante el público asistente con el fin de "ir al grano en vez de soltar un rollo". Quien sí empleó más tiempo durante su intervención fue el autor y crítico Antón García, que no escatimó en elogios a la hora de glosar la trayectoria de un Sánchez Vicente que ya está considerado como una de las figuras más importantes de la historia de la literatura en asturiano. "Como no tenemos instituciones que se preocupen de la producción literaria en asturiano a veces resulta difícil que la gente se entere de lo que está haciendo Sánchez Vicente. Contar con un poeta que lleva cuarenta años publicando en asturiano con esta calidad es todo un lujo", destacó García.

El crítico hizo un minucioso repaso de la carrera de Sánchez Vicente y destacó la importancia de publicaciones como "Camín de señardaes", su primer trabajo, "una obra que sirvió como impulso para que otros autores continuásemos escribiendo en asturiano". El Sánchez Vicente de "De les hores y les memories" es para Antón García un poeta "que echa de menos el mozu que fue". En su opinión, "la obra refleja a ese autor al que le gusta enredar con las palabras, jugar con el verbo".

La publicación también refleja "esa parte de escritor barroco que tiene Xuan Xosé Sánchez Vicente", un deje que se hace notar en su nueva obra "cuando toma prestados versos reconocibles de otros poetas como Homero, Calderón o Quevedo", explica Antón García. El crítico resaltó la parte final del poemario, "donde Sánchez Vicente es capaz de hacer hablar a un hórreo o al mismísimo Jovellanos"

Una crítica d'Antón García al mio poemariu De les hores y les memories

(Del suplementu de cultura de La Nueva España del 14/01/2016).
Con llingua propia

Una bona noticia

El retornu poéticu de Xuan Xosé Sánchez Vicente

14.01.2016 | 03:56

Una bona noticia

ANTÓN GARCÍA Inclusive nun llibru unitariu como Poemes de Xixón (1981), cada entrega poética de Xuan Xosé Sánchez Vicentecaracterízase pola pluralidá de materiales, voces y formes, colos que construye la so obra, personalísima. L'últimu, De les hores y les memories (2015), nun ye distintu. Publica esti llibru catorce años depués de l'anterior, el xubilosu As de corazon/es/y/es, una obra d'intención globalizadora na que topamos romances, poemes d'inspiración barroca o del realismu decimonónicu, onomatopeyes y xitanxáfores, caligrames... Nesti nuevu llibru, que se presenta dividíu en tres partes, Sánchez Vicente abandona les recreaciones historicistes de la entrega anterior p'adoptar la voz d'un personaxe poéticu que reflesiona, dende la senectú, sobre'l pasu del tiempu y la vanidá de la guapura, anque nun desdexa'l vitalismu d'Horacio, nel que s'inspira. "Les hores del día", la primer parte del llibru que vien subdividida n'otres cuatro, ábrese con una "Oración al riscar" dientro del tópicu horacianu: "Carpe diem. / Que la sombra d'ayer nun t'asolombre, / que l'esperteyu de la lluz pasada / nun bata enriba ti les ales tristes / del recuerdu d'aquello que pudiste / y anguaño yá nun puedes".

Nun ye Horacio l'únicu poeta del que se manda pa construir los sos poemes; hai versos de Frai Luis yQuevedo, de Rioja y Calderón, de Plutarco y Argensola, de Safo y Machado... Nun falten los clásicos asturianos (Marirreguera, Aramburu, los Xovellanos, Pría, Acebal, Caveda...) o los contemporanios (Ardisana, Álvarez, Fano...). Como la lluz del día, los poemes d'esta parte caminen del amanecer a la nueche faciendo posa nel paisaxe y nel paisanaxe, celebrando'l momentu, pero tamién llamentando que les pudencies de güei yá nun seyan les d'antaño. Destaquen los sonetos, harmoniosamente construyíos, n'especial esi "Pumar cola lluz temprano" que remata con un espléndidu tercetu: "Nun t'aseñarde'l pasáu nin, cobarde, / temias el nuevu iviernu y la so llume: / la eternidá nesti presente arde".

La segunda parte (o faza, como-y prestaría al autor), titúlase "Acasu amor" y ye la materia amorosa la qu'acarreta elementos pa la so construcción, anque, a diferencia d'otros poemes del autor sobre esti asuntu, son menos celebratorios y aporten trespasaos de resignación. Sicasí, ye la tercer parte, "Hestoria y memoria", la que más llama la mio atención. Equí publica Sánchez Vicente seis llargos poemes d'altu aliendu, nos que fai recuentu de lo que somos a partir de la nuesa historia. Sentir que canten na radio "Lili Marleen" abre la espicha de l'alcordanza (propia y heredada) y fluin nun formosu poema escenes y soníos del últimu sieglu. N'otru, "Horru en Piñera (Lluiña)", una construcción varies veces centenaria qu'atestiguó la vida y la muerte al so redor, malapenes aguanta agora, escondarmada: "Como si vós, desdexu, olvidu, guardareis / n'apariencia de vida / d'estes pieces supérstites de pie / l'oldéu la mio vida". Nún de los últimos poemes, que nun tien títulu, glosa una escena qu'anota Xovellanos nel so diariu de 1794, cuando nuna tormenta frente al mar de Xixón siente qu'un home canta "nel tonu patéticu del país". A Sánchez Vicente sírve-y esa nota pa reflesionar sobre l'ánimu y el desánimu, consciente de "la definitiva y prieta escuridá, / el silenciu absolutu / qu'espera tres los teyos finales del camín". Asina, versu a versu, indispensable y cultu, certeru y sutil, intelixente y lúcidu, depués de catorce años regresa Xuan Xosé Sánchez Vicente a la poesía pa que podamos celebrar tan bona noticia.

Antón García fai una crítica del mio De les hores y les memories

Con llingua propia

Una bona noticia

El retornu poéticu de Xuan Xosé Sánchez Vicente

Al que-y apeteza pue vela nel suplementu Cultura de La Nueva España, güei.

En LNE: presentación ayer del poemariu De les hores y les memories

Sánchez Vicente reflexiona "sobre el paso de la vida" en su último poemario

El político y escritor estrena "De les hores y les memories", una recopilación en la que "echa de menos el mozu que fue"

Podéis lleelo equí

Sánchez Vicente, en el centro, junto a Antón García y Esther Prieto. N. OREJAS

• Fotos de la noticia

Un milagru asturianu: Ángeles López Cuesta

Si lo piensen bien, esto de la lliteratura asturiana, dende Marirreguera al Surdimientu, pasando per Xosefa Xovellanos, Fernández Usatorre o Pachín de Melás, tien un daqué o un munchu de milagru.

Ángeles López Cuesta (1892-1989) ye ún d'ellos.

Nieta de Teodoro Cuesta, emigra cola familia a Francia y dempués a México como consecuencia de la Guerra Civil. Nel 1946 vuelve a España y, más tarde alluga en dellos países d'Europa y América pa, al final, morrer en México. Psiquiatra'l so paisanu, diplomáticu ún de los sos xenros, inxenieru so pá (trabayó nes obres de la cueva de Cuadonga), Ángeles tien la perspectiva vital d'un entornu cultu y bien allugáu socialmente.

Lo milagroso ye que la so producción lliteraria n'asturianu va de 1937 a 1978, y qu'escribe tanto en México como n'Europa, y emplega los sos poemes lo mesmo pa temes circunstanciales familiares (una boda, por exemplu) que pa temes relacionaos cola muerte de familiares, esto ye, como "poesía seria". Sorprendente ye tamién que, yá con cierta edá y viviendo fuera, siga preocupándose de les coses d'Asturies y de la llingua asturiana; por exemplu, nesti poema dedicáu a "Amigos del Bable" (constituida la sociedá nel 1969 y cola actividá de más sonadía ente'l 70 y el 75), animándolos pola so iniciativa :

Los dis que tan sele'snidien
cuando la vieyez retenta
fan qu'el alma acongoxada
dalgunes veces non sepia
más qu'amirar el pasáu
pa espoxigar e na fresca
fonte de los sos recuerdos.
[.................................]
"Amigos del Bable", mialma
amorióme la cabeza
pos non podía creer
que nuestra fabla melguera,
que naide y chaba un gabitu
y taba pal casu muerta,
golviera a so antigu rangu
danguién agora quixera...
[..................................]

O esti otru, con motivu del robu y destrucción na Cámara Santa de la Catedral (1977), qu'entama asina:

Quién me diba decir, torrina mía,
Catredal de mi Uviéu idolatrada,
a quien clamé mil veces en mios penes,
cuando lloñe de ti yo m'afayaba,
que hoi eres tu, divina, la ferida,
la que tienes el alm'atravesada
por manes qu'en sin duelu, tan vilmente,
foy to Cámara Santa atropellada
[................................................]

¿Nun ye realmente como un milagru esta supervivencia de la lliteratura asturiana, ensin siquier voluntá d'asoleyala? ¿Esta pervivencia d'una fidelidá familiar, cultural y social? ¿Esti arreyar Asturies y la identidá propia col asturianu?

Por cierto, los sos poemes conocíos hasta agora tán rescataos y editaos por Antón García (a quien tanto-y debe la cultura asturiana, especialmente la lliteratura, acasu más qu'a naide) nun llibru titulaú Cartes de la Catredal d'Uviéu (1994).

PONGO EQUÍ ESTI ARTÍCULU QUE, SOBRE LA MIO POESÍA, ASOLEYÓ ANTÓN GARCÍA NEL SUPLEMENTU DE CULTURA DE LA NUEVA ESPAÑA DEL 05/02/13.

 

Xuan Xosé Sánchez Vicente, poeta

L'autor más importante del primer Surdimientu, y al que nada-y ye ayeno, lleva publicaos cinco llibros de poesía nos últimos trenta años

Xuan Xosé Sánchez Vicente, poeta

Antón GARCÍA L'autor más importante del primer Surdimientu ye Xuan Xosé Sánchez Vicente (Xixón, 1949), fundador de Conceyu Bable, de l'Academia de la Llingua o del Partíu Asturianista, tres exes esenciales del asturianismu nos años setenta, ochenta y noventa del pasáu sieglu XX. Ye autor de cuatro diccionarios indispensables, de miles de páxines d'ensayu políticu, lliterariu o llingüísticu, ente les que podemos destacar el llibru «Les producciones clasiscistes d'Antón de Marirreguera» (2004), un estudiu lúcidu y eruditu sobre la obra del nuesu primer escritor. Tamién ye un críticu atentu y arrogante d'esta lliteratura, al que debemos les primeres reediciones de los clásicos («Esvilla de poesíes na llingua asturiana», 1979, modernización de l'antoloxía de Caveda de 1839), los primeros estudios sobre les nueses lletres dende dientro d'elles y una guía esencial p'averase a esta lliteratura, «Crónica del Surdimientu (1975-1990)», publicada en 1991 y que pide una actualización que traiga hasta los nuesos díes el repás de lo fecho.

L'inmensu trabayu que vien desendolcando en favor de la recuperación cultural d'Asturies ye prácticamente inabarcable, y quiciabes por eso nun ye raro que se pase de dides pela so contribución, como si'l so llabor perteneciera a un universu creativu paralelu al propiamente asturianu. Na obra lliteraria de Sánchez Vicente topamos cuentos, noveles n'asturianu y español y varies obres de teatru... Sicasí, ye la so faceta d'escritor de poesía la que destaca especialmente, porque tamos delantre d'un autor intelixente, de sólida formación clasicista, discursivu, metalliterariu y sobre manera innovador. La so poesía empieza a publicase en 1980 («Camín de señardaes») con una propuesta que nun va tener ente nós antecedentes nin consecuentes. A partir d'entós la so obra crez como si se tratara d'una islla desaverada d'esi conxuntu que llamamos lliteratura asturiana, que tampoco ye nin tan zárzanu nin tan variáu como pa permitise prescindir d'un autor mayor.

Son cinco los llibros de poesía que lleva publicaos Sánchez Vicente a lo llargo de casi trenta años: «Camín de señardaes (Antoloxía poética, 1974-1979)», 1980; «Poemes de Xixón», 1981; «De reidores costes», 1988; «...Y de llastientes picos», 1999, y «As de corazon/es/y/es», 2001. Cuando publica'l primer llibru tien trenta años y la so voz poética ta formada y madura. Los estremaos caminos qu'alcontramos naquel llibru son, en gran midida, pelos que va caminar la so obra posterior: poesía social, amorosa, de la naturaleza y la de referente lliterariu. Sánchez Vicente ye un poeta al que nada-y ye ayeno, nin temática nin formalmente, atentu a la forma del poema y a la manera na que s'agrupa en secciones nos llibros, a vegaes acarretando textos d'una entrega pa otra si considera que dalgunos yá publicaos cuadren meyor al par de les propuestes nueves.

Na so obra poética topamos sonetos y otres formes clásiques xunto a tiraes llargues de versu llibre, alcontramos poemes de tipu popular, cásique cantarinos, xunto a recreaciones erudites que xueguen a recuperar fragmentos clásicos perdíos. Con «Poemes de Xixón» afonda na construcción d'una poética civil y urbana a través d'imáxenes novedoses y riques, radicales en tanto que falen d'un mundu, el de la ciudá, que llevaba munchos años alloñáu de la escritura nesta llingua, anque tamién andulia brevemente peles zones rurales del conceyu.

«De reidores costes» ye'l llibru que marca'l puntu más altu d'inflexión llingüística (onde la creatividá léxica de Sánchez Vicente rescampla más notablemente, non siempre nel camín más aparente), pero ye tamién un llibru mayor, enormemente imaxinativu y orixinal, nel que les distintes voces del autor suenen plenamente, hasta construir una obra experimental y inconformista na que predomina'l versu llargu y envolvente y la construcción d'una épica social (Asturies siempre como fondu) y d'una lírica personal.

Na obra de 1999 «...Y de llastientes picos», que completa la xera entamada nel anterior, sigue ofreciendo recreaciones populares al par d'erudites reflexiones metafísiques. Hai una novedá nesti llibru que paga la pena destacar sobre l'interesante conxuntu, «Les cinco alfayes de política moral», na parte final, onde l'humor y la crítica social cargada d'ironía llogren eses xoyes poétiques qu'anunciaba'l títulu, poniendo en relación de manera sorprendente y divertida al Goethe morrebundu col paisanu de Ponga que se dispón a catar, o a Acebal y a Ánxel de la Moría con Heráclitu y l'agua contaminao de los ríos d'Asturies.

«As de corazon/es/y/es,» del 2001, última entrega poética de Sánchez Vicente, ye un llibru de cuarenta y tres poemes que fain por reinventar tou un pasáu lliterariu pa la nuesa llingua, al tiempu que se proxecta pa contra'l futuru. Empieza xugando yá dende'l títulu, un caligrama en forma de corazón que pue lleese de distintes maneres: «yes as de corazones», «y ases de corazones», «as de corazón es yes»... en fin, lo que se-y ocurra al llector. Con él, Sánchez Vicente conforma un volume heteroxeneu: romances históricos a la (re)conquista d'Almería, al nacimientu del reinu asturianu, poemes d'inspiración barroca, a la manera d'Antón de Marirreguera o de Góngora; poesía realista que podía tar escrita nel sieglu diecinueve, caligrames al estilu de les primeres vanguardies, recreaciones cultes de la poesía popular, al estilu de la poesía negrista antillana, pero cambiando los «sóngoro cosongo» por repeticiones fóniques asturianes: «carbayu de la carba, de la carba qu'escarba...» o «carbayu caramiellu/ carbayu caballeru». Nun falten les onomatopeyes, pero tampoco les xitanxáfores: «Sega, sega, sega/ Segadorí/ Ri, ri./ Segadorí». Ye tal la bayura d'estilos, formes, xuegos, cites... d'esta poesía culturalista y rica que nos aparra y cásique nun nos dexa ver l'extraordinariu esfuerzu creativu d'un poeta en plena madurez, al que siempre-y gustó innovar y el xuegu lliterariu.

Sánchez Vicente, que lleva más d'una década ensin publicar poesía, ye un autor nel que nun hai una única voz lliteraria, sinón munches. Como cada llector acarreta con él les sos propies querencies, tienen pa min un interés mayor les dos que conformen el carrastiellu de la so obra, dende los primeros textos a los últimos: la voz social, por esa mirada qu'echa en versu llibre a la cultura urbana, a la sociedá industrial en decadencia, sabiendo retratar mui bien los veros sueltos del estáu del bienestar, la marxinalidá, la vida de los más desfavorecíos... Y d'otru llau, la que yo llamaría poesía d'altu aliendu, la qu'escribe dende l'arte mayor, con rigor métricu y fondura, describiendo les impresiones que produz nel yo poéticu la mirada qu'echa a la naturaleza o a los obxetos cotidianos, onde ocupa una parte fundamental la so poesía amorosa, de la que topamos exemplos soberbios en tolos sos llibros.

Enriqueta González Rubín

Antón García acaba d'asoleyar nel so blog un artículu dedicáu a Enriqueta González Rubín (Enriqueta), que non ye la primer escritora n'asturianu, pero sí la primera n'escribir una novela.

Falsu retratu d'Enriqueta qu'abeya per interné

Nel artículu, xunto a cuestiones lliteraries, ofrécense tamién informaciones interesantes sobre la so vida y sobre la tresmisión de la so obra.

Antón García, Premiu Timón

Norabona a Antón García. L'asociación L'arribada acaba da-y el VI Premiu «Timón».

Los galardones anteriores apurriéronse-yos a Nené Losada Rico (2007), Xuan Xosé Sánchez Vicente (2008), Manuel García «El Galano» (2009) y Roberto González-Quevedo (2010).

Autor y editor, Antón García ye una de les personalidaes más importantes de la vida cultural asturiana.

Antón García. Semeya de La Nueva España

Más información: La Nueva España del 05/06/2012

El carbayu lliterariu: Campo de los Patos (Selmana les Lletres)

Acaba d'apaecer una revista nueva, Campo de los Patos, que tien como sotítulu'l de "Revista asturiana de cultura". El primer volume (de 396 páxines) correspuende a los números 1 y 2 (años 2010, 2011). Ta fecha cola calidá, la conocencia, el pricuru y l'amor a la cultura que tienen toles coses qu'Antón García, l'editor y responsable entama.

Gracies y norabona, don Antón.

Por cierto, asoleyo na revista un artículu de mio, "Milio Rodríguez, a partir de tres cuentos".

El carbayu lliterariu: Revista de Filoloxía Asturiana (Selmana de les Lletres)

Fai poco que salió la cabera entrega de la Revista de Filoloxía Asturiana. Ensierta nun tomu los volumes 6/7/8, que correspuenden a los años 2006/2007/2008.

Ye posible qu'esta sea la última entrega de la revista, siempre tan bien llevada por Juan Carlos Villaverde, col gabitu de Xuan Carlos Busto Cortina, Xulio Viejo Fernández, Fernando Álvarez-Bablbuena García, Taresa Lorences, Raquel Suárez García, María Cueto Fernández.

Esta nota, además de sorrayar, una vegada más, la enorme calidá de la revista, quier ser un homenaxe a los sos responsables.

Na revista, por cierto, asoleyo un estudiu sobre la poesía d'Antón García, "Itinerariu pela continxencia (Ocho poemes d'Antón García)".

Antón García presenta Retrato de desposados ...

EQUÍ dexo la presentación de «Retrato de desposados con panamá a su frente» que fizo Antón García:

El carbayu lliterariu: Antón García

Xente tan cerca ye una magnífica colección de cuentos del tuñense Antón García, onde s'amiesten hestoria, imaxinación, costumismu, humor y tenrura, too ello con una cierta unidá narrativa y, especialmente, de tonu.

Dellos son estremadamente breves, como "Elecciones", que malapenes ocupa dos páxines; "La mar imaxinada" estiéndese por ventidós páxines.

Pal mio gustu, lo más destacao de tol llibru (que ye, repito, prestosu y entretenidu) ye, d'un llau, la llingua -al mesmu tiempu culta y dialectal- y, d'otru, el tonu del decir narrativu, tan personal, tan sele, tan d'Antón García. Perespecial resulta la variedá temática y de perspectives dientru d'esa fundamental unidá d'estilu.