El cardenal Antonio Cañizares, prefectu de la Congregación pal Cultu Divín, anda espatuxando nel maízal y estrapallando toles panoyes nuna discusión con Bibiana Aído sobre si son más graves los albuertos o los abusos a menores del cleru irlandés (o d`otros sitios, quiero pensar).
«No es comparable» -dicen los medios que dixo- la gravedad de los abusos a menores en escuelas católicas irlandesas entre los años 50 y 80 del siglo pasado con el aborto, porque el primero afecta a «unos cuantos colegios» y el segundo supone que «más de 40 millones de seres humanos se han destruido legalmente».
Paez mentira pa él. Cola tradición que tien la Ilesia neso del silenciu. Dientru del marcu heréticu, colos allumaos o molinosistes, partidarios del rezu interior o en silenciu. Nel propiu ámbitu institucional, con órdenes onde nun se permite falar más que delles poques palabres al añu o se tien votu de silenciu.
Pero vese que`l cardenal nun ye molinosista nin trapense. Nin sabe tampoco cuándo val más tar calláu y dexalo pasar. ¡Vamos, que ye un bocayón!
¡Qúe bien-y taría tar lleendo a Garcilaso cuando diz aquello de "Y en el silencio sólo se escuchaba / un susurro de abejas que sonaba"!
Que tampoco una abeya ye un abeyón.
No hay comentarios:
Publicar un comentario