El carbayu lliterariu

Toi lleendo al mesmu tiempu dos poemarios, Robinson Asur, d`Elías Veiga y Les vides incompletes, de Xandru Fernández. Interesantes dambos, apunto que la escritura de Fernández paezme más ellaborada y trabayada, mientres que la d`Elías Veiga paezme más directa y espontánea.

Dotramiente l`estilu de Fernández tien períodos más llargos y versu de más llonxitú, escontra`l de Veiga, que tien a tener frases más curties y versos de menos llargor.

Doi equí unos versos d`un de los poemes d`Elías Veiga:

Préstame imaxinate nel balcón de to casa

colgando la ropa recién llavao,
el pelo recoyío,
una pinza na boca,
el pantalón-piyama puestu
y dalguna camiseta —mía- folgada
dexando l'espacíu precisu,
el güecu perfeutu
pal dulce vaivén afrodisíacu
de los tos peruyos saltarinos.