"Unu" fai un comentariu a "Jonhleneando" y diz:
«Imaxina que los que defenden, amen y lluchen pola to patria s'axunten en vez d'escentellase por migayuques. Imaxina que, polo menos, el partíu políticu que nagues por votar se presenta a les eleiciones.»16 de mayo de 2009 18:32
Sobre agradecé-y les pallabres, sigamos imaxinando. Por exemplu, que nos presentamos a europees y volvemos sacar 4.000 o 5.000 votos, como nes últimes.
Y agora nun vamos imaxinar. Vamos recordar que, una y otra vegada, falamos con tol mundo. Pero, sobre too, vamos recordar que, pa les caberes autonómiques y municipales, sumamos y xuntamos los dos partíos que más teníamos -a munchísima distancia de los demás-, PAS (14.ooo votos) y URAS (16.000). Tenemos dos alcaldes y doce conceyales, pero los resultaos fueren perprobes (esto ye, en castellán, paupérrimos). Lo que cabe imaxinar ye que, en xeneral, los que piden suma y xuntura piden que sea satamente la suma y xuntura qu'ellos quieren, pero non dala otra, y, si ye un pelín distinta, ná de ná, prefieren seguir votando a los partíos que vende a Madrid y someten los intereses asturianos a los de cualquier sitiu.
En tou casu, PAS y URAS seguimos xuntos (y sumando). Y el que quiera venir que venga, que les prósimes autonómiques y municipales tán ehí.
Y los partíos vendepatries y burllaasturianos tán ehí, y la ruina progresiva d'Asturies nun para.
2 comentarios:
Sí, axuntastisvos, y yo tontu de mi pensé que dibeis garrar algo. Hasta mio má vos votó. El fracasu foi estrepitosu y la deceición que yo llevé foi tamién pergrande. Claro, que teniendo en cuenta la campaña probetaya que ficistis nun m'estraña que nun sacarais nin los mocos.
A tou esto dígote que sigo'l to blog y préstame munchu comu escribes pero lo que ye URAS-PAS nun se vos ver per dengún llau. Hai pocu pensaba que ya nun esistiereis.
Tan difícil ye xuntase los partíos asturianistes pa formar una coalición, coyones???
el que quiera venir que venga.
eso ye lo que decis toos Xuan.
a los demás lo que nos prestaba llera que dierais el pasu.
Les dificultaes sabémoles bien, pero tambien habia que dase cuenta de lo que ye una bona campaña y lo que non.
Con too, encamiento-vos pa que vos xunteis mas, nun que faigais señes namas.
Esta risión a la que tamos castigaos y cafiante.
Publicar un comentario