Agora cola gabita de don Rogelio, l'alcalde de Colunga.
Al pie del cartel del ensiertu anterior y al delláu de la muria de la escuela ("La Colegiata", "Pachín de Melás" na serie del Doctor Mateo) lleva más de mediu añu tirada la muria qu'apaez na semeya que s'alluga equí. La muria va cayendo adulces, la paré ta yá pandiada entera y amenacen con caer (tán yá pa facelo) otros diez o doce metros. Al pie de la muria, pel caneyu, pasen tolos díes ñeños, col riesgu de que se-yos venga enriba.
¿Pero pa qué se destinen los 120.000 euros del cartel? Pa dar entrada a un llocal pa les asociaciones de Llastres. ¿Por qué? Perfácil: los mayores voten y los ñeños non. ¿Hai perres pa la obra na muria de la escuela? Sí. ¿Hai perres pa la muria qu'argayó un peazu y va argayar entera? Non. ¿Hai perres pal cartel del Zapatero? Sí.
Resumen, tol espatuxe de don José Luis y don Rogelio, ná ente dos platos, cagalera en campu rasu.
O sea, como nel cuentu que María Xosefa Canellada asolyea col númeru 15 nos sos Cuentos populares asturianos: "Salí acá y veréis / el filáu d'un añu (ná de na, un rispín) / y la caca d'un mes (una bona cuba de sidre).
No hay comentarios:
Publicar un comentario