Como yá saben, la escritora Lucía Etxebarría va dexar d'escribir noveles durante unos años. ¿La razón? El so cabréu porque de la cabera novela sacárense más copies pirates de les que se vendieren. La so desmoralización porque'l robu n'interné paez inevitable y porque nun hai quien defenda los derechos de los autores (si la frase clásica y revolucionaria fue siempre "la tierra pal que la trabaya", n'interné paez ser "la cultura pal que la roba"). Los sos problemes porque tres años de trabayu pa facer una novela, que ye de lo qu'ella vive, producen escasos ingresos, esto ye, sal-y la hora a preciu de probe de pedir a les puertes d'una ilesia a les tres de la mañana y col suelu ñeváu.
La irritación porque una parte d'interné ye la costa de Somalia y d'Etiopía, con asaltantes impunes y, amás, col discursu de que lo que tán faciendo faenlo nel nome de la llibertá y d'otres grandes palabres. Emberriacada, porque el calter d'esta xente que roba'l trabayu de los demás ye'l mesmu que'l del "señorito blanquito", que piensa que'l "negrito" ta obligáu a trabayar pa él, gratis y ensin reburdiar nin siquier. ¡Y, pa enriba, amenácenla por quexase!
No hay comentarios:
Publicar un comentario