 |
| -Zapatero, la xequesa Mozah y Ban Ki Moon- |
Los pasaos once y doce d'esti mes celebróse en Qatar un alcuentru más de l'inventu zapaterín llamáu Alianza de Civilizaciones. Nun asistió a él Zapatero (mandó a Chaves) y la prensa turiferaria habitual nun dixo un res del alcuentru.
Ensin embargu, merez la pena destacar delles coses. La primera, que Qatar el llugar onde asocedió'l conceyu, que ye ún de los miembros del inventu socialista y que resulta ser una dictadura de les peor calificaes del mundu. Según Freedom House, tien una puntuación de 6 en Derechos Políticos (ye 1 la de los países con meyor puntuación y 6 la de los que la tienen peor) y 5 en Llibertaes Civiles.
Además, l'anfitriona, la xequesa Mozah -curiosina ella, viestiendo y enxoyándose carísimo- llama siempre l'atención de los fotógrafos. Ella ye, tamién, participante del Grupu Cabezaleru de l'Alianza de Civilizaciones y una de los más piqueros del grupu, con Zapatero, Erdogan y el secretariu xeneral de Naciones Unides.
Anfitriona en Qatar, ye una más de les muyeres del xeque. Y defende la poligamia y la sharia. Ehí tienen:
"L'islam ye una relixón que-y da a la muyer el derechu de desendolcar el so potencial al empar del home nesta sociedá. L'islam afala nes nuestres muyeres l'enfotu y la autoestima para participar dafechamente como ciudadanes y como seres humanos na nuestra sociedá. Eso ye l'islam y eso ye la sharia..."
Y sobre la poligamia:
"Incluso en Estados Unidos hay poligamia..."
Yá ven, en nun siendo pa sacar votos, onde queda'l progresismu de los feministos y les feministes del PSOE. Nun solo conviven con ello, sinón que callen como afogaos.
No hay comentarios:
Publicar un comentario