Más d'Alemania y España nel XIX

Otto von Bismark

Monumentu a Tiadoro Cuesta

L'otru día (27/11/11) publicábemos un ensiertu onde, pa decilo asina, "fírmábase la paz" con Alemania dempués del episodiu de Les Carolines (de 1899 ye'l Decretu, firmáu por Silvela). Esi episodiu, una disputa con Bismark pola posesión del territoriu de Les Carolines y otres isles, preludiu, asinamesmo, de la perda definitiva de les colonies nel 98, nun fue bien recibíu n'España. Un exemplu ye esti poema de Teodoro Cuesta (asoleyáu na revista del Centro Asturiano de Madrid nel 1855), onde s'insulta a Alemania y pídese la guerra con ella. El poema tien por títulu "La llambionada de Les Carolines)" y tien un acrósticu que diz: "ALEMANIA TRAIDORA".

Abasta de sofrir...! en garapiellu,

La del CID se llevante ¡ pátria amada.

El rapósu aleman, pa 'l so botiellu

Mazcár cunta d' España una tayada;

Apara, lin..., el nacional resuellu

Non yes quién á ' fogar... ¡ fale la espada ! ..

¡Ijujú !... si la guerra fós' precisa

A esfarrapar al prusu date prisa.

Terremotos cien veces repetíos

Resquiebren per ú quier´ l hispanu suelu !...

Agora por el cólero, aflixios,

Imploren pueblos mil á Dios del cielu:

D'u sacará esta xente fuelgu y bríos ?

Otra vez y cien más, el tiranuelu

Repite, sin saber que la vitoria

Algama el que xuncir supo la gloria.


TEODORO CUESTA.
30 de Agosto de 1885.