Geranium robertianum, de la familia de les Xeraniácees. Ye una hierba que l'hai perdayures y que s'esparde per Europa, Asia y norte de África. Crez nes escombreres, muries vieyes, terrenos pedregosos, llendes de bosques y llamargues, húmedos y solombriegos.
Ye una planta anual herbácea qu'algama 10-45 cm d'altura, velluda con tallu erectu roxizu La raíz, guesa en forma de nabu. Les fueyes triangulares tienen 3-5 segmentos llobaos. Les flores, pequeñes, son de color rosáu. El frutu ye secu.
Esta semeya, del 08/04/12, en Güerres retrata un xeraniu de san Roberto allugáu nun poste de cierre d'una finca. Ente grillos y cadenes. Como nel cantar.
No hay comentarios:
Publicar un comentario