Tolos rectores d'España dexaren ayer plantáu al ministru Wert, col que taben citaos. Sean les que sean les razones, y sea'l que sea'l pesu les razones, queda ún plasmáu y ablucáu con actitudes como estes. Les relaciones ente instituciones nun son un xuegu de rapacetos, nin puede permitise nelles comportamientos xabaces como estos. A lo más, va ún a la reunión, plantea les sos razones y llevántase. Pero esi comportamientu ye pura xabacería adolescente (y, quiciabis, temor a que dalgunos, una y bones tuvieren ellí, nun caltuviesen la mesma postura que caltuvieren nel conceyu de rectores, por cobardía nun de los dos sitios).
Pero, en tou casu, torno repetilo, l'actitú de los rectores ye de xabacería adolescente. Los rectores van acabar maniféstandose en Sol colos rapacetos del 15-M, agora que vien el veranu, coles sos barrigues, les sos pates peludes y calzón curtiu y riñonera.
Y, de xuru, a la prósima reunión col ministru van dir con camisetes alletreraes y pancartes.
Nun solo ye esto lo que ye la Universidá española, ye lo que ye la sociedá española (¿y qué van ser los alumnos, entós?).
¡Qué país (o lo que seya)!
¡Qué país (o lo que seya)!
2 comentarios:
Sí, ye verdá, ye una vergoña. Y tracamundien autonomía científico-académica con autonomía de perres. Quieren feudos (lo que tola vida fue la Universidá, un ensame de feudos) pero que-yos paguen les xuergues dende Madrid. Ye intolerable, cuando nunca nun enatamaron un procesu de rexeneración y de llucha contra´l nepotismu. Si ficieran na Universidá un procesu d´oposiciones abiertu, con encerrona y bola d´ente un cientu temes nun entraríen nella los mazcayos qu´entren y foron entrando. Y acabaríase con eso de "yá salió la mio plaza...". Mazcayos...
La universidá española da ascu. Títulos que nun vale pa nada y profesores que tán ehí a base de lamer culos. Y llueu los rectores viviendo como dios y faciendo estes xabazaes como diz Xuán
Publicar un comentario