Sergio Marqués: escelente persona, magníficu presidente

Por desgracia, tó ocupar estes llinies recordando al mio amigu Sergio, una persona cola que fui construyendo (fuimos, ente los dos) una relación d'entendimientu y afectu.

Sergio Marqués fue un magníficu presidente, de tolos que tuvo Asturies, el más relacionáu col mundu real de la economía, y, polo tanto, el qu'algamó un rendimientu más eficaz del dineru públicu. Solo quiero recordar agora que, al través de los pactos presupuestarios, el so gobiernu y el PAS ayudaren a crear 20.000 puestos de trabayu en tres años, baxaren el paru como nun se ficiera hasta entós nin se volvió a facer, y puxérase en marcha casi tola obra pública que dempués s'executó durante doce años.

Pero, nesti momentu, nun quiero recordar más que'l so asturianismu y lo escelente persona que ye (sí, que ye), de la que naide fala mal con conocencia.

Un abrazu, Sergio. El mio acompañamientu nel dolor pa Elena y el restu la so numerosa familia. El mio sentimientu y el del PAS, que tresmitimos a la xente d'URAS, los sos collacios políticos.