Xarraña, xarraya, serraña, xegarra, xarrayones, cardeña, cenraya, gardencha son nomes asturianos de la cerraja castellana (tamién cardincha, cardo mantequero, cerraja, cerraja rastrera, cerrajilla, chicoyas, gardubera, garduguera, garduncha, hieracio, hieracio grande, hieracio mayor, hierba del sacre, lecherina, lechocino, lechuguilla, terrao, yerba de gavilán, yerba del sacre, nun se vaya pensar qu'eso que la xente fala distinto d'un pueblu a otru ye una peculiaridá d'Asturies), del sonchus asper L., de la familia de les Compósites.
Crez n'herbazales de suelos alteriaos, cunetes, caminos, etc. Ye perbayurosa. Florez de marzu a payares. N'agostu paez tener el so mayor españíu.
Son paecíes les plantes d'otres especies del xéneru Sonchus.
Flores, de mano marielles, mui llueu canoxes.
Les semeyes, en Duz, el 23/08/12.
No hay comentarios:
Publicar un comentario