Como saben, un empresariu asturianu, José Ramón González, llantóse en Madrid pa desixir los 75.000 euros que-y debía FEVE y púnxose en güelga fame. Ayer abandonó la protesta dempués de llegar a un alcuerdu colos responsables la compañia (Trunfu de José Ramón González).
Hai que sorrayar la so valentía, recordar qu'hai munches otres empreses y empresarios asina, al borde la desesperación, en quiebra o deshauciaos por culpa les alministraciones públiques, esto ye, por culpa los sinvergoñes votaos y revotaos pol pueblu que son responsables de comprometer el gastu d'un dineru que nun hai. Y recordar tamién, cómo non, el dineru que se tiró nesti país en gastos estúpidos, como'l famosu "Plan E" de Zapatero, que ye lo qu'agora, otra vegada, vuelven a pedir militantes y votantes del PSOE: que se vuelvan tirar les perres, que se metan pufos y que se-yos la espete a los empresarios.
¡Norabona, José Ramón!
Ps.: el pasáu 11/12/2012 ya comentara'l casu: "Otru espoliáu pola Alministración"
No hay comentarios:
Publicar un comentario