Estes son les pallabres que dixo fai unos díes nel Plenu d'Avilés l'alcaldesa y cabeza de llista del PSOE, doña Pilar Varela: «Si yo tuviese alguna duda de que lo que he hecho en la Fundación del Niemeyer ha ido en contra del interés público, no dejaría de ser patrona, dejaría de ser alcaldesa».
¡Una fenómeno, esta rapaza! El Niemeyer va en contra de lo públicu y de los avilesinos dende'l primer momentu la so concepción. ¿O alguien sabe satamente qué ye o pa qué ye'l Niemeyer, esceptuáu l'edificiu? Montose como un engañu, xestionóse como un engañu, gastóse nél y tirárense les perres con descontrol y ensin control, y too ello, dende la cruz al rau, con doña Pilar Varela al frente del engañu políticu y del desastre de la xestión y de les cuentes.
Asina que doña Pilar ye una muyer escepcional. Porque decir eses coses. ¡Hai que tenelos como la cúpula'l Niemeyer!
Anque, bien pensao, los que de verdá son escepcionales son los que la voten, a la vista d'estes coses.
1 comentario:
Bono, ella ye la rapiega cabezalera. Hai munchos más "sociollistos" que ficieron, faen ya fadrán mas de lo mesmu.
Amás hai que taner muncha clas pa dir colos de la feria ya tornar colos del mercáu. Poro, el afamáu publu avilesín sigue... ¿naguando que?
Publicar un comentario