Bejamín López, talabarteru, escritor, pintor, escultor y persona entregada a la so familia y fíos tuvo ayer un homenaxe en Boal (homenaxe que sigue con actos güei y el restu la selmana), con motivu los cincuenta años la so muerte. L'homenaxe, entamáu polos sos fíos Carlos, Juan, Teresa y Benjamín tuvo un enorme éxitu, con más de 150 persones asistiendo a los actos nel comedor del Colexu Públicu Carlos Bousoño.
Con ocasión del homenaxe, reditárense les sos obres nun volume que lleva'l nome del primer de los sos llibros, Montañas de la Costa Verde, n'asturianu dialectal del occidente y en castellanu. Al llibru fago yo una pequeña introducción que ye un análisis y valoración de la so poesía, perestimable.
Nel actu sintiérense grabaciones magnetofónique suyes, proyectose un videu cola so vida y obra. Yo lleí parte del mio estudiu sobre la so poesía y recité retayos d'elles; faló sobre la so pintura y escultura el pintor "Favila". Intervinieron tamién, doña Ana González, la conseyera d'Educación, Cultura, y Deporte y l'alcalde, don José Antonio Barrientos.
 |
| Semeya de la Nueva España de güei |
No hay comentarios:
Publicar un comentario