¿Pero nun hai transfusiones?

El patriotismu de vecindá frente al abandonu de l'arte asturianu

Xuan Xosé Sánchez Vicente 26.12.2016 | 04:46

Paso estos díes per Colunga. Delles persones señálenme con orgullu les dos nueves puertes llaterales de la ilesia, norte y sur, de les que diera cuenta nel so día LA NUEVA ESPAÑA. Trátase de dos puertes de castañu de Lliberdón sobre les que s'enxerten 44 plaques de bronce con episodios evanxélicos o de la vida de dellos santos. Del trabayu de la madera féxose cargu l'artesanu Fabián Huerta Martino, vecín de Lliberdón; de les plaques de bronce, un artesanu alemán, de Colonia, Egino Weiner. El conxuntu ye brillante, ilustrativu pal que mire con atención caún de los bronces, y illumina les fachaes del templu. Pero lo más notable, ensin dulda, ye que fueren los feligreses los que pagaron el gastu.

Nel mismu Colunga sé d'otros esfuerzos vecinales por atender al so patrimoniu. Nesti casu, en Güerres, onde anden los vecinos enfotaos en recuperar una capiella del XVI, de la que nesti XX ficieren dalgunos rapiña y almoneda. Per otru llau, quiero recordar que fai pocos díes destacábamos cómo los vecinos de Moru, en Ribesella, veníen trabayando de seguío por remocicar la so ilesia.

[..................................................................................................................................................]