El 22 de xunu, martes, de 1976.
La semeya: entamando la Caye Corrida. Salióse del final de Begoña, la parte más cercana al Ayuntamientu.
Identifico: pancarta, de manzorga a derecha, Cheni Uría (MCA), José Luis Iglesias Riopedre, Ramón Rañada (Urbanista), Jesús Sanjurjo, José Luis Iglesias (USO), Lluis Xabel Álvarez (Texuca), Avelino Díaz (cantante), Miguel Ramos Corrada (MCA, académicu), Amelia Valcárcel y Bernaldo de Quirós, filósofa y, per aquelles dómines o más tarde, socia de Conceyu Bable. Lluis Antón González dizme que-y parez que'l de la derecha la pancarta ye'l Roxu, miembru destacáu de la CSI, que morriera na autopista al venir andando pela medianera pa buscar gasolina pal coche que se-yos averiara.
Identifico: pancarta, de manzorga a derecha, Cheni Uría (MCA), José Luis Iglesias Riopedre, Ramón Rañada (Urbanista), Jesús Sanjurjo, José Luis Iglesias (USO), Lluis Xabel Álvarez (Texuca), Avelino Díaz (cantante), Miguel Ramos Corrada (MCA, académicu), Amelia Valcárcel y Bernaldo de Quirós, filósofa y, per aquelles dómines o más tarde, socia de Conceyu Bable. Lluis Antón González dizme que-y parez que'l de la derecha la pancarta ye'l Roxu, miembru destacáu de la CSI, que morriera na autopista al venir andando pela medianera pa buscar gasolina pal coche que se-yos averiara.
Nes files d'atrás reconozo a Rafael Pérez Lorenzo (profesor y xixonés, d'aquella cabezaleru d'un partíu políticu), con gafes y barba, detrás de José Luis Iglesias (USO); Xosé Bolado (MCA, académicu), ente y detrás d'Avelino Díaz y Miguel Ramos Corrada; ye posible qu'una frente y unes gafes detrás de Lluis Xabel Álvarez sea Manuel Fernández (Manolín, el nietu Celo Xuan), cantante y periodista; detrás d'Amelia, gafes, bigotón, chaqueta blanca, Vicente García Oliva, escritor, de los entamadores de Conceyu Bable, académicu. Na manzorga y na cuarta fila, de blanco, delantre una bandera d'Asturies, Ángel (Xelu) Zapico, de Mieres. Debaxu la primer "o" d'autonomía, con bigote y entraes, a Monchu Díaz, amigu y miembru de Conceyu Bable de la primera hora [ye autor d'un llibru de poemes, "Rezumes d'amor y griesca]".
Al fondu, Xovellanos, na plaza'l Seis d'Agostu.
Tiempu: en cuantes arrancamos, nun paró d'orbayar, a vegaes con gracia, asina que llegamos toos moyaos.
Al fondu, Xovellanos, na plaza'l Seis d'Agostu.
Tiempu: en cuantes arrancamos, nun paró d'orbayar, a vegaes con gracia, asina que llegamos toos moyaos.
Nos prósimos díes, más semeyes, y una crónica detallada del mio papel n'aquella hestoria.
No hay comentarios:
Publicar un comentario