El 22 de xunu, martes, de 1976 fue la manifestación.
La semeya: Baxando la Cuesta Begoña, un grupu posterior, yá doblando per Correos hacia Begoña.
Identifico: A la derecha, ente dos pancartes, detrás d'un de los miembros del serviciu d'orden. Álvaro Fernández Vigil, "El Gitanu", al que llamábamos asina por ser prietu; bon xugador de xoquéi. A la so manzorga, una cabezuca qu'asoma detrás del costazu derechu del que lleva la pancarta de l'Asociación de Vecinos del Nuevu Xixón, Maribel González, d'aquella moza (o muyer) del citáu Álvaro, profesora de música.
Detrás del guardia, a la derecha, vense dos persones con brazalete: serviciu d'orden. Vense tamién dalgunes persones atapando la cabeza: en tola manifestación nun abocanó.
Dícenme: Monchu Díaz (identificáu n'otra semeya) qu'al pie de la pancarta de "Falái castellán, castellanos" va Urbano Rodríguez Vázquez, académicu, profesor y escritor. Pepe Fernández, Pepín (PSPA, UNA y dempués Executiva PAS), comunícame que nesa pancarta diben ún que fue lliberáu del PSPA poles Xuventúes del PSPA, Luis Antonio González Morán, y que llamábemos "el Lliberetu" afectuosamente, José Luis Carmona García, PSPA, Secretariu Xeneral d'Una, profesor y Presidente de Cruz Roxa, Xixón, y él mismu, José Antonio Fernández Alonso, "Pepín". Y confírmame que, con ellos, diba Urbano Rodríguez Vázquez.
Les dos idees centrales de la manifestación, entamada por Conceyu Bable, yeren dos auténtiques novedaes na historia d'Asturies: pedir la presencia de la nuestra llingua na escuela y desixir estatutu d'autonomía (d'aquella nun se pensaba n'estatutos nada más que pa Cataluña, Euskadi y Galicia). Hai que recordar qu'entovía un añu más tarde, nun mitin na plaza toros de Xixón, Santiago Carrillo (esto ye, el PCE) mexábase de risa falando d'un estatutu p'Asturies.
La semeya: Baxando la Cuesta Begoña, un grupu posterior, yá doblando per Correos hacia Begoña.
Identifico: A la derecha, ente dos pancartes, detrás d'un de los miembros del serviciu d'orden. Álvaro Fernández Vigil, "El Gitanu", al que llamábamos asina por ser prietu; bon xugador de xoquéi. A la so manzorga, una cabezuca qu'asoma detrás del costazu derechu del que lleva la pancarta de l'Asociación de Vecinos del Nuevu Xixón, Maribel González, d'aquella moza (o muyer) del citáu Álvaro, profesora de música.
Detrás del guardia, a la derecha, vense dos persones con brazalete: serviciu d'orden. Vense tamién dalgunes persones atapando la cabeza: en tola manifestación nun abocanó.
Dícenme: Monchu Díaz (identificáu n'otra semeya) qu'al pie de la pancarta de "Falái castellán, castellanos" va Urbano Rodríguez Vázquez, académicu, profesor y escritor. Pepe Fernández, Pepín (PSPA, UNA y dempués Executiva PAS), comunícame que nesa pancarta diben ún que fue lliberáu del PSPA poles Xuventúes del PSPA, Luis Antonio González Morán, y que llamábemos "el Lliberetu" afectuosamente, José Luis Carmona García, PSPA, Secretariu Xeneral d'Una, profesor y Presidente de Cruz Roxa, Xixón, y él mismu, José Antonio Fernández Alonso, "Pepín". Y confírmame que, con ellos, diba Urbano Rodríguez Vázquez.
Les dos idees centrales de la manifestación, entamada por Conceyu Bable, yeren dos auténtiques novedaes na historia d'Asturies: pedir la presencia de la nuestra llingua na escuela y desixir estatutu d'autonomía (d'aquella nun se pensaba n'estatutos nada más que pa Cataluña, Euskadi y Galicia). Hai que recordar qu'entovía un añu más tarde, nun mitin na plaza toros de Xixón, Santiago Carrillo (esto ye, el PCE) mexábase de risa falando d'un estatutu p'Asturies.
Quiero recordar: la mayor parte del trabayu lloxísticu y material celebróse en mio casa, esto ye, en la de la muyer, na caye Arrieta 2, de Xixón, enfrente onde güei hai una gasolinera subiendo pa Viesques dende'l Bibio. Aquella casa yera la sede de Conceyu Bable en Xixón. Nesi trabayu participaren miembros de Conceyu Bable Xixón, pero especialmente tanto yo como la muyer, bueno, de xuru que más la muyer que yo. D'ellí salieron idees, pancartes, incluida la cabecera, y banderes.
Amelia Valcárcel comunícame agora mesmo (29/08/17, 11, 20 h) que la pancarta la cabecera (Bable a la escuela. Autonomía rexonal) que la fexo ella nel pasillu so casa, y dizme qu'entá guarda la reliquia. Fágolo constar.
Eslóganes y pancartes: Col Gobernador Civil en persona, Victorino Anguera Sansó, y na sede del Gobiernu Civil, negociárense cada un de los eslóganes y les condiciones de la manifestación. Por ciertu, Victorino Anguera fízonos un guiñu diciéndonos que nun se-y escapaba que "resquiebra democrática" yera "ruptura democrática", pero que lo dexaba pasar. Cómicamente, como viemos ayer, aquel "resquiebra democrática" camudóse en "requiebra democrática" por dalgún de los equipos esternos (dalgún de los otros Conceyos Bables o de les asociaciones qu'agabitaben). Ente otros, avísame Ramon, "Monchu", Díaz qu'él fue un de los firmantes pa pedir el permisu pa la manifestación.
Amelia Valcárcel comunícame agora mesmo (29/08/17, 11, 20 h) que la pancarta la cabecera (Bable a la escuela. Autonomía rexonal) que la fexo ella nel pasillu so casa, y dizme qu'entá guarda la reliquia. Fágolo constar.
Eslóganes y pancartes: Col Gobernador Civil en persona, Victorino Anguera Sansó, y na sede del Gobiernu Civil, negociárense cada un de los eslóganes y les condiciones de la manifestación. Por ciertu, Victorino Anguera fízonos un guiñu diciéndonos que nun se-y escapaba que "resquiebra democrática" yera "ruptura democrática", pero que lo dexaba pasar. Cómicamente, como viemos ayer, aquel "resquiebra democrática" camudóse en "requiebra democrática" por dalgún de los equipos esternos (dalgún de los otros Conceyos Bables o de les asociaciones qu'agabitaben). Ente otros, avísame Ramon, "Monchu", Díaz qu'él fue un de los firmantes pa pedir el permisu pa la manifestación.
Nos prósimos díes, más semeyes. Mañana, una crónica detallada del mio papel n'aquella hestoria.
No hay comentarios:
Publicar un comentario