El 22 de xunu, martes, de 1976.
Arranque: Diez minutos l'entamu la manifestación paecía qu'aquello diba ser un fracasu. Nostante, veíamos que dalgunos cabezaleros políticos, como Areces o Sanjurjo, taben abellugaos nos portales y nos bordes de l'acera, ensin arrimar a la pancarta, que taba en centru'l paséu Begoña. Pero en cuantes vieren que aquello diba llenándose, salieren de les esquines y garraren la pancarta (masque punxere aquello de "bable a la escuela" y "estatutu autonomía"), y yá nun la soltaren.
Arranque: Diez minutos l'entamu la manifestación paecía qu'aquello diba ser un fracasu. Nostante, veíamos que dalgunos cabezaleros políticos, como Areces o Sanjurjo, taben abellugaos nos portales y nos bordes de l'acera, ensin arrimar a la pancarta, que taba en centru'l paséu Begoña. Pero en cuantes vieren que aquello diba llenándose, salieren de les esquines y garraren la pancarta (masque punxere aquello de "bable a la escuela" y "estatutu autonomía"), y yá nun la soltaren.
La semeya: baxando la Cuesta Begoña, a l'altura correos, a puntu doblar pa Corrida. Salióse del final de Begoña, la parte más cercana al Ayuntamientu.
Identifico: el segundu la manzorga, que va gritando dalguna de les consignes que se proclamaben, ye Manuel Hevia Carriles, de La Calzada, y cabezaleru del movimientu vecinal.
Identifico: el segundu la manzorga, que va gritando dalguna de les consignes que se proclamaben, ye Manuel Hevia Carriles, de La Calzada, y cabezaleru del movimientu vecinal.
Comento: "Requiebra democrática", que yera una torna del "ruptura democrática", tan sopelexada aquellos años, yera un tracamundiu por "resquiebra democrática". Per otru llau, na pancarta que firma Conceyu Bable Avilés y que nesta semeya podemos ver que pon "Naguamos pelautonomía (talo), libertá y anistía", nun pon "libertá", sinón "llibertá", como puede vese notra semeya na caye Corrida, nun momentu posterior.
Nos prósimos díes, más semeyes, y una crónica detallada del mio papel n'aquella hestoria.
No hay comentarios:
Publicar un comentario