Abro un anunciu relativu a acciones y bonos del Popular, too eso que, per arte de birlibirloque, camudóse en cero d'un instante pa otru. Ye de "Lean abogados".
Trátase d'un formulariu onde hai que poner los datos personales y la dirección. Abro'l desplegable referíu a "provincia" y nun topo "Asturies". Sospecha. Busco más embaxu y veo "Oviedo".
¡38 años más tarde y un despachu abogaos nun sabe que nun somos "provincia de Oviedo" desde l'aprobación del Estatutu, allá al entamu los ochenta!
Y camiento: si nun saben eso...
Asina que cierro y paso a otra cosa, dempués de referver otres cuestiones que nun quiero decir equí.
No hay comentarios:
Publicar un comentario