Relleo Música Asturiana, de Fidela Uría Líbano, y na biografía d'Anselmo González del Valle, un de los más importantes estudiosos, creadores y divulgadores de la música asturiana, na época que llama l'autora del "nacionalismu asturianu", atopo (páx. 203), que, además de les sos munches xeres culturales y negocios empresariales, dedicóse al cultivu la vid, dende finales de la década de los ochenta del XIX, nunos terrenos que poseía por herencia familiar nel conceyu Cangas de Narcea.
Pa meyorar los cultivos traxo de Burdeos dellos vinateros franceses. Y llogrólo: nel veranu de 1895 el so vinu algamó la Medalla de Plata na Exposición vinícola de Burdeos y en 1896 la Medalla d'Oru n'Angers, el Diploma d'Honor en Rover y el Diploma d'Honor en Lugo.
No hay comentarios:
Publicar un comentario