Abro una edición de reciente publicación, La casa de Bernarda Alba, de Federico García Lorca. Edítalu Austral. Ye una edición de 2010, a cargu de Joaquín Forradellas. Pues bien, na introducción diz lo siguiente: "En octubre de 1934 la huelga general que declaran el partido socialista y la UGT se reprime brutalmente en Cataluña y, más aún, en Asturias, con la intervención del ejército mandado por el general Franco".Lléanlo con vagar. Entamen pol "la huelga general". Asina que, pa presumir ente los suyos, ye "la revolución d'ochobre o del 34", o "la proclamación del Estat Catalá", pero cuando se trata de facese la víctima ye una "fuelga xeneral". (Na fuelga xeneral, además de reducir a murueques con dinamita los cuarteles de la guardia civil y otres coses, un talu Indalecio Prieto traxo un cargamentu d'armes nun barcu denomáu Turquesa. Yá se sabe, pa poner nel puntu mira del cañón les pancartes de la manifestación de la fuelga).
Y agora tomen nota: "el ejército mandado por el general Franco". L'exércitu, que se sepia, mandábalu'l Ministru la Guerra, miembru d'un gobiernu escoyíu nes urnes pol pueblu. Y amiren pa la falta la coma. ¿Nun sería más correcto, "el ejército, mandado por el general Franco". ¡Cuánto val una coma, eh?Yá lo saben vustedes, la memoria hestórica nun s'alluga más que nun hemisferiu cerebral, pal otru tamquam tabula rasa.
No hay comentarios:
Publicar un comentario