Conócenlo toos ustedes. Yo téngolo contao equí fai tiempu: un númeru grande de clubes de fútbol son morosos cola Axencia Tributaria y cola Seguridá Social. Con Facienda, 752 millones d'euros. Cola Seguridá Social, hacia 3.000.
Nun merez la pena facer comentarios. Recuerden sólo que fai menos d'un mes embargaren el mobiliariu d'un colexu por deldes cola Seguridá Social.Responsables. Los gobiernos, por supuestu. Y la oposición, por supuestu. Y la mayoría la población, que lo lleva ensin escándalu, vota una y otra vegada a los que lo toleren y, una gran parte d'ella, diba echase a la calle si-y tocasen a los sos morosos, digo, a los sos clubes del alma, que son les sos patries más fondes.
¿Y qué quieren que-yos diga? Esti ye'l país.
¿Y qué quieren que-yos diga? Esti ye'l país.
No hay comentarios:
Publicar un comentario