Ayer entrugábamosnos por qué la eliminación de la doble percepción de sueldos pa los cargos políticos que teníen derechu a ello nun provocara nin un solu comentariu nes redes. ¿Cuáles son les razones?
Pues por tres razones. Poles mismes tres razones que nun provocó nin un vierbu la rebaxa d'un 20% nes subvenciones a partíos y sindicatos, nin la rebaxa d'un 7% esti añu nos sueldos los diputaos nin la del añu pasáu. Nin l'esaniciamientu de la paga Navidá nel Parlamentu Asturianu, nin la llimitación de percepciones pa los directivos de les caxes nacionalizaes...
¿Qué cuáles son eses tres razones? La primera xenérica: que son preferibles les noticies negatives a les positives y que, como diz el refrán periodísticu, "que la realidá nun t'esfaga una bona noticia". La segunda, que na sociedá española ta asitiáu un clima contra la política (non yá solo contra los políticos), que fai que nun se quiera ver ningún elementu positivu que camude'l discursu. Y la tercera, que lo fizo'l PP. Si fuera'l PSOE, a lo meyor muncha xente aplaudía les medíes coles oreyes, por "progresistes".
Asina somos, asina ye esta sociedá o una parte d'ella.
No hay comentarios:
Publicar un comentario