¡Encima, un mierda!

El alcalde de Marinaleda, Sánchez Gordillo, el de la barba y les patilles, Juan Manuel, perteneciente a eso que se llama IU (o Izquierda Plural).

Un mierda, según Diego Valderas Sosa, vicepresidente del Gobiernu Andaluz por IU (o como se llame), esi fenómenu que vota a favor de los recortes presupuestarios pa funcionarios y de los recortes nos servicios sociales y después sal a manifestase contra ellos.

Porque yá saben ustedes que Sánchez Gordillo impulsó l'asaltu y robu en supermercaos, col pretestu de repartilo ente los probes. Pero diz Diego Valderas Sosa que'l nun asaltó nin robó, que'l solo taba a la entrada, afalando a los demás y, sobre too, pasando la buchaca pa recoyer la propaganda y los votos.

Un mierda, según Valderas, digo. Porque lo malo yá nun ye que s'asalte y robe (que, según Valderas, él nun fue), nin que s'ampare na so condición d'aforáu (que fai bien, dígolo en serio, y a la que nun debe renunciar, porque nun ye propiedá d'él, sinón de tolos representantes democráticos). Lo malo ye, según Valderas, qu'el llimítase a meter a los demás na enguedeya, a cobrar los réditos propagandísticos y, dempués, él diz que pa él nun miren (como los rapacinos na escuela, cuando acusen a los demás de la rapazada, dempués de participar nella). Pues si ye asina, nun ye una disculpa, ye una acusación: ye un mierda, qu'afala a los demás y quédase él atrás. 

Lo menos que s'espera d'un "revolucionariu" (de lo que presume) ye qu'asuma les consecuencies los sos actos, sinón, ¡menudu revolucionariu!

(Bueno y, per otra parte, don Gaspar Llamazares ayer n'Uviéu xustificando a Sánchez Gordillo con tópicos como'l del deu qu'apunta a la lluna y los tontos que solo ven el deu. Yá sé que don Gaspar -que me cae simpáticu, pesie a too- ye capaz de xustificalo too, por exemplu, la dictadura cubana diciendo que nun ye una dictadura, sinón una revolución (histórico, nun lo invento). ¡Pero, home, don Gaspar, xustificar l'asaltu a los supermercaos y el robu con esi cuentu vieyu del deu qu'apunta a la lluna y la lluna! ¡Qué difícil lo tienen vustedes pa disimular lo que son de verdá!