Estos díes fálase d'un puntu qu'estafó 40.000 € a una enfilandrada de xente, col anunciu d'una aplicación que diba permitir fisgonear les conversaciones d'otros usuarios a través del WhatsApp.

Bueno, nun ye una estafa, ye un timu. Porque nel timu, al revés que na estafa, les dos partes pretenden delinquir. Porque delinquir yera lo que pretendíen los que queríen saber les conversaciones de los amigos al través de l'aplicación.

De mou y manera que, si nun se condena a la otra parte de la podrella necesaria pal timu (los que pagaren), hai que decir d'ellos que son unos sinvergoñes y que pretendíen delinquir.

Nun taría mal que se diese la llista de los que pagaren, pa que, polo menos los amigos, supiesen que mena d'amigos teníen o tienen.

El 'voyeurismo' provoca una nueva ‘estafa’ en WhatsApp