Van topalo nel arreyu que sigue (El güeyu y la voz de Sofía).
Nun dexen de lleela, masque tengan prexuicios. Ye una auténtica maravía: la entrevistadora, Sofía Casanova, nel 1917, percorriendo les cais de Moscú cola so criada gallega; l'anecdotina cuando se-yos apaga la lluz nel estragal del despachu de Trotsky; la descripción de les cais de Moscú enllenes d'escuridá y miseria; el tipu de descripción y el puntu vista la crónica, que pinta personaxes y ambiente al mou y manera que lo faría un Pérez Galdós; el lésicu, con esi prestosu Al fanatismo jerárquico del Imperio sustituye el otro, el de la ergástula en rebeldía; la figura de Trotsky y la so capacidá de políticu de tolos tiempos pa llantar el so mensaxe y nun contestar a nada de lo que se-y entruga.
Y, de pasu, pueden descubrir (o recordar) que yá había muyeres enantes de les nuestres feministes de güei, i.e, esta Sofía Casanova, la Pardo Bazán, Baldomera Larra -esta banquera y autora d'una estafa piramidal de primera-, Teresa de Cepeda y Ahumada -nel sieglu-, Isabel de Castilla, María de Zayas, María de Molina, María de Francia, Hroswita de Gandersheim, Cleopatra, Mesalina..., por un decir. ¡Ah!, ¿que nun yeren toes del PSOE, IU o de los asteroides orbitales? Bueno, ¡qué-y vamos facer! Ye lo malo que tien la realidá, que ye lo que ye.
No hay comentarios:
Publicar un comentario